AFTER nilang magkabati ni Tom ay parang nabunutan ng tinik sa dibdib si Beatrice. Kung kaninang umaga ay ang tahimik at ang lungkot nito, ngayon naman ay bumalik na ang dating Tom. Yung madaldal, loko-loko, sweet at palatawang Tom. At habang nakikita niya itong ganoon ay hindi niya mapigilan ang sariling makaramdam ng tuwa. She's happy and contented to see him back from his normal attitude.
"Matagal pa ba iyan ate, kuya? Gutom na po ako," nakangusong maktol ni Angel habang nakatitig sa chocolate cake na niluluto nila ni Tom.
Nang mga oras na iyon ay nilalagyan nila iyon ng chocolate icing. Ngayon lang niya napagtantong magaling pala sa gawaing kusina si Tom. Kung tutuusin ay mukhang mas magaling pa nga yata itong magluto kaysa sa kanya. Mas lalo lang niya itong hinangaan dahil doon.
‘
