“MASANAY kang ganito tayo,” sabi sa kanya ni Chris habang hawak nito ang kamay niya.
Bumaba ang tingin niya sa magkadaop nilang mga kamay. Kapapalit lang nito ng kambyo habang tumatakbo sila nang matulin sa expressway. Papunta na sila sa ancestral house ng mga Gueco sa Angeles City. Bumibitaw lang ito ng hawak sa kanya kapag kailangan sa pagmamaneho nito pero muli ay aabutin ang kamay niya.
“Holding hands, you mean?” sabi niya.
“Holding hands and more.”
“Hugs and kisses, too?” Sinikap niyang maging kaswal ang tono. Ayaw niyang mahalata nito na parang atat siya doon.
“Yeah, I hope you understand. We are engaged to be married. Let’s give him a show of a couple who can’t get off their hands with each other.”
“Ah, okay. Kuha ko na.”
“Be prepared for lots of PDAs.”
“Okay,” sabi niya
