Sa mga sumunod na araw ay halos hindi sila nagpapansinan si Dom sa opisina. Nag-uusap lang sila pag kailangan. Iniiwasan niya ring tingnan ito sa mukha at mukhang ganon din ito.
Isang beses ay may bumisita pang babae rito sa opisina. Naiinis man sa di mawaring dahilan ay hindi niya na iyon inisip pa. Pakialam ba niya sa pambababae nito. Halos isang oras din nagtagal sa loob ng opisina nito ang babae at inabala nalang niya ang sarili sa paggawa ng trabaho niya kahit hindi siya makapagfocus sa ginagawa.
Nakangiti pa ang babae nang umalis na lalong ikinainis niya.
Pero yon naman ang sinabi niya noon kay Dom kaya bakit ba siya nagagalit?
Sa inis niya ay niyaya nalang niya si Lara na magkita sila sa gabi at mag enjoy. Bahala na ang kaibigan niya kung saan siya nito isama basta gusto niya l
