HINDI ko iniwan si Lyka sa medical area. Wala na naman daw problema sabi ng doktor na tumingin sa kanya. Mabuti na lang at narespondihan ng life guard si Lyka. Ako naman hindi pa rin nawawala ang pag-aalala ko sa kanya.
"Tama lang ang ginawa mo, Mouse. Tumawag ka ng tulong at hindi ka basta-basta sumugod, kung hindi baka dalawa na kayong nalunod." Tinabihan ako ni Theo, tinapik niya ako sa balikat.
Alam ko naman iyon ang kaso lang, nanginginig pa rin ako. Parang ako tuloy itong natatakot lumapit sa dagat. "Dito lang muna ako hanggang sa magising si Lyka," sabi ko.
Tumayo si Theo at pinuntahan sina Ashley. Lumabas sila ng maliit na kuwarto para sa pasyente. Maliit lang itong medical area pero may silid para sa mga nangangailangan ng gamutan.
Hawak ko ang kamay ni Lyka, na
