Supreme God

Chapter 47 (Part 2)

Tatlong oras ang makalipas ay natatanaw na ng binata ang baryo ng Ipan. Pero hindi kagaya ng dati na maayos ay ang mga nakatayong bahay dito ay mga wasak. Ang ibang bahay naman ay mapapansing nawasak sa apoy na pinatay lang ng malakas na ulan.

Balisa pa rin siya at wala sa sariling naibagsak ang walang malay na katawan ni Kaito. Ni hindi niya ito napansin at nagpatuloy lang sa paglalakad.

Basang-basa ng ulan ang paligid. Dumiretso ang binata sa bahay na tinutuluyan nila Angel. Nang makarating siya sa bahay ay nakita niyang ayos pa ito, nararamdaman niya ang isang presensiya sa loob.

Hahawakan na sana niya ang doorknob ng pintuan para buksan ito ng biglang tumibok ng malakas ang puso niya sa kaba. Napahinto siya at biglang nanginig ng hindi alam ang dahilan.

Inihaya niya ulit sa harap a