3RD PERSON POV
NANG imulat ni Gino ang kanyang mga mata ay purong kadiliman lamang ang kanyang nakikita.
'N-Nasan ako?' aniya habang inililibot ang paningin. Wala syang maaninag na kahit ano sapagkat nababalutan ng kadiliman ang buong paligid. Nakatayo sya sa kawalan, ang malamig na simoy ng hangin at ang tunog ng paghampas ng alon mula sa di kalayuan ang tanging nagsasabi sa kanya na nasa tabing dagat siya.
Ang liwanag ng buwan ay natatabunan ng makakapal na ulap kaya naman di siya nito matulungan para makita ang lugar kung nasaan sya ngayon.
'Pamilyar ang tagpong ito, nangyari na ba ito noon?' Naguguluhan man sa nangyayari ay sinubukan nyang maglakad at bagtasin ang madilim na daan.
Habang patuloy ang kanyang paglalakad ay unti-unti namang sumisilay ang liwanag ng buwan sa madili
