3RD PERSON POV
MATAPOS ang gulong ginawa ni Gino ilang araw na ang nakakalipas ay balik naman sa normal ang buhay nila.
Hindi pinarusahan ni Cain si Gary at Josh pero nasermunan ang mga ito. Humingi rin siya ng tawad sa dalawa dahil muntik nang mapahamak ang mga ito dahil sa kanya. Dahil naiinip na naman siya sa bahay kaya naisipan ni Cain na isama na lang siya sa kumpanya.
Alam ni Gino at ramdam niya ang mga kakaibang tingin na ibinibigay ng lahat ng mga taong nakakasalubong nila pagpasok pa lamang sa building ng Z Co.
Pero kahit ganun, nangako siya sa kanyang sarili at sa ngalan ng kanyang magiging pamilya na hindi na siya magpapa apekto sa panghuhusga ng iba.
Pagdaan nila sa isang grupo ng mga kababaihan ay sabay-sabay pa ang mga itong bumati kay Cain.
"Good morning Mr. Sinclair."
