MATAPOS ang misa ay nagtungo na sila sa isang amusement park na matagal ng gustong puntahan ni Gino. Dahil medyo malayo ay napagpasyahan nilang magtaxi na papunta doon.
"Ser, nandito na po tayo."
Napatingin naman silang dalawa sa driver ng taxi dahil sa inihayag nito.
Sabik na bumaba si Gino at tiningnan ang lugar, maganda ito at maingay dahil maraming tao dito ngayon. Masasayang at excited na mukha ng mga bata, mga magkahawak kamay na magkasintahan at syempre mga pamilya.
'Nakakatuwa silang pagmasdan, sana nakapunta din kami dito noong buhay pa ang aking mga magulang,' medyo nalungkot sya sa isiping iyon pero mabilis nya itong nabawi ng maalala na hindi pa nga pala sila nakakapagbayad ng taxi. Mabilis siyang lumapit sa taxi at hinugot ang coin purse sa bulsa, babayaran na sana nya ito
