# بنات الزمن ده

بنات الزمن ده 3

ηø√℮ł⚡️᎗̈ɹȊ᎗̤ɹȊgȷ:

#بنات_الزمن_ده_3

اول ماوصلت الشركه كانت ماشه وبتعاين في تلفونها ومامنتبهه للطريق ..في نفس اللحظه كان في واحد جاي قصادها وبرضو ماملاحظ للطريق وض*ب فيها ...

لينا : ااااخ ياااغ*ي ماشاايف قداامك ?

.....: انا اسسف ما انتبهت ?

لينا: انت وقح وحيوان ..

......: لو سمحتي ..اتكلمي بأحترام ✋

لينا : وانت منو اصلااا عشان اتكلم معاك بأحترام ...انت الشغلك هنا منو؟؟

......: انا لسه ما اشتغلت هنا ..جيت هنا عشان اقدم للوظيفه العاملين ليها اعلان ?

لينا : هه ماتحاول اصلا تجي تقدم للششغل ..انت مرفوض من هسي ?

......: وانتي منو اصلاا عشان تقولي كده

لينا : حتعرف انا منو .... ومشت خلتو ..دخلت المكتب وهي متنرفزه شديد ..دخلت عليها السكرتيره ...اسمها مني بالمناسبه ?..

مني : اا استاذه جيت اقول ليك انو مفروض تشوفي الموظفين المقدمبن للوطيفه الجديده ..

لينا : دخليهم واحد واحد..

مني : حاضر ..

مني طلعت من المكتب وطلعت زفير ..عامله ليها رعب الاخت دي?

الموظفين بدو يدخلو واحد واحد وكلهم مرعوبين عشان عارفين قوه المديره دي ..وانها مابتقبل بأي زول عادي في شركتها ..

طبعا لينا ماقبلت ولا واحد للان ..وكلهم بيطلعو ووشهم مابيتفسر ابداا ...كان قاعد هناك في الركن وكان ع** البقيه ماخايف ابداا بالع**س وااثق من نفسو جدداا .. اسمو يس (او ياسين اللي تحبوه?) ...جا دورو وطوالي شال السيفي(السيره الذاتيه) بتاعو ودخل جوا ?....

لينا كانت قاعده في كرسيها وبتحرك القلم بملل ...عاينت للموظف الدخل وشافتو نفسو الطقشت فيه قبيل ..ابتسمت ابتسامه جانبيه وعاينت ليه من فوق لي تحت ...طبعا يس انصدم جدا لما شافها ..ماكان مفتكرها المديره ..واتأكد تماما انها مستحيل تقبلو ..بس كان مصر يعمل العليه اول .. قام اتقدم عليها واداها الملف بتاعو وقعد في الكرسي ..شالت الملف وبقت تعاين فيه بملل ..

لينا : يس جلال الدين .. 25سنه درست في جامعه الخرطوم محاسبه.. وعامل ماجستير ..واشتغلت في شركتين قبل كده ..خبره تلاته سنين .. امممم ..درجات الجامعه كلها امتياز ..اووكيي .(كانت بتتكلم بصوت عالي وبتفكر )...بعدها رفعت راسها وعاينت ليه ..وقالت : وريني سبب واحد يخليني اشغلك عندي ؟؟

يس: لاني استحق الشغل ..

لينا : وواثق من نفسك كمان . .امممم ...بغض النظر عن السيفي حقك ..وريني شئ مميز فيك يخليني اقبلك ..

يس: انا بعرف اشتغل كويس و..

قاطعتو : شئ ممييز ✋

يس : مميز زي شنو؟

لينا عاينت ليه وجدعت ليه الملف وقالت : مرفوض ..✋

يس عاين ليها بخلعه وانصدم هو عارف انو اكيد هي رفضت بسبب قبيل ..بس لسه مصر قام قال : السبب شنو؟؟ انا شايف انو انا ممتاز وماحتلقي زيي

لينا : والله ؟؟ ده شنو الغرور ده .؟

يس: ثقه يا استاذه ..وانا من حقي اعرف السبب الخلاك ترفضيني ..

لينا : مافيك شئ مميز ☺️

يس عصب ووقف على حيلو وقال : ماترفضي بس عشان موقف قبيل ..ماتكوني ساذجه ومخك صغير للدرجه دي ..لو عايزه ترفضي ..ارفضي لمن يكون في شئ ماعجبك فيني من ناحيه الشغل ..لكن مامن حقك ترفضي بس عشان انا طقشتك الصباح ..

لينا عاينت ليه بكل برود واشرت علي الباب وقالت : برا ?

يس : لاا ماحطلع ..انا مابستسلم بالسهوله دي..انا من حقي اخد الوظيفه دي ..

لينا : طيب ... مدام انت مصر اوكي ..بس استحمل الحيجيك ..واتأكد اقل تقصير منك ماحكتفي بطردك بس اوكي ..

يس : تأكدي من كده

لينا : براا✋ (حازمه ?)

يس شماها عشان اسلوبها وقح شديد بس بلعها في حنانو وطلع من المكتب وحاسس بالنصر لانو قدر ياخد الوظيفه دي ?

لينا بالرغم من انها شمتو عشان حركتو الصباح بس هو ممتاز من ناحيه الشغل وكل شئ عايزاه لقتو فيه واكتر فقبلت عشان هو م**ب للشركه بس طبعا كان لازم تعمل ليها كم حركه كده عشان كرامتها ?وعشان تبين انها زوله وااو وبتاع ..?✨

شويه كده وتاني يس جا دخل المكتب من غير مابطق الباب ومني وراه لانها منعتو بس هو دخل ..

لينا اول ماشافتو هاجت فيه : هي انت الدخلك شنو تاني؟؟

يس: اسف ..اسف بس كنت عايز اعرف حستلم الشغل متين والقروش كم ؟

لينا : تقدر تستلم شغلك هسي ..والقروش حتاخدها حسب دقه شغلك ..ومره تانيه ياريت ماتفتح الباب من غير استئذان ..ولو كررتها تاكد انك حتنطرد ..فاهم ✋

يس مارد ليها وطلع طوالي ...

نحكي شويه عن يس (حكتبو ياسين تاني ?)...

طبعا هو ميسور الحال هو اكبر واحد في اخوانو ..هو البيعيل عيلتو ..

امو (سهام) ابوه(جلال الدين) اختو خريجه طب (اسلام ) واخوه برلوم اقتصاد (معتز) اختو ثالث ثانوي (اروي) واخوه في خامسه اساس (بكري) ... ابوه شغال سواق امجاد وحالهم مستور ..وياسين بيساعد ابوه في المصاريف ...

لينا كانت في المكتب بتوقع على كميه من الاوراق جاها اتصال ..

عمر : لنووو ...(??)

لينا : اهليين ?( الزي عمر ديل نوعيه الاولاد اللواااييييق?? ملاح ويكه بس ) (طبعا لينا بترد بعدم نفس زهجت منو شديد ??)

عمر : هديتي ؟؟

لينا : شايف شنو؟

عمر: شايف انك رايقه ..عشان

طلعت من الشركه واتصلت لي الاء وطلبت منها تقا**ها في كافيه ايزيس (م**رني ياخ??) ...مشت هناك وقعدت تنتظرها لحد ما جات ..

الاء : مالك يابت خلعتيني زاتو في شنو؟؟

لينا : متغايظه يا الاء ..حنفقع بالغيظ ?

الاء: ليه الحصل شنو اصلو؟

لينا : لي اول مره في حياتي ولد يتعدا حدود معاي ..اتخيلي الصباح واحد تافهه كده طقشني وبكل واقحه بيقول لي احترمي نفسك ..لا وكمان جا يقدم لشغل في شركتي ..هه والمشكله مافيه غلطه يا الاء ..ممتاز في كل شئ ..مالاقاني زول بكل الامتياز ده .. ماقدرت ارفضو بس هو وقح ..وقحح جداا ?

الاء:روقي ..روقي ...هسي ده كلو عشان شغلتيه يعني؟؟ طيب انتي ماقلتي انو ممتاز ..طيب مالك مضايقه ؟

لينا : لانو يازكيه هو واثق من نفسو بصوره ماطبيعيه ..انا مالاقاني حد بالثقه دي .. للحظه حسيتو بينافسني في الثقه ..ماعارفه يا الاء بس هو من جا الشركه وانا معصبه وماقادره اركز في شئ ..

الاء: يااادي الثقه المجنناك دي ..يالينا ياخ ارحمي نفسك شويه بطلي تفكري في كل شئ كده ..خلاص ياخ ارتااحي بجد ..

لينا بضيق : ااااه بس? وترني ..لاول مره اقبل بواحد كان بيتواقح معاي كده ..تصدقي والله ماعارفه كيف الكلمه طلعت من خشمي لا ارادياا ? حموت بالغيظ??(قصدها انها وافقت يعني )

الاء: شششش خلاص ..احسن تمشي ترتاحي في بيتكم يازوله وماتفكري في شئ ابدااا✋?

لينا : اووووف?..طيب ..

لينا رجعت البيت وطوالي علي غرفتها وبقت تفكر في الحصل كلو وقررت بكره تعزبو في الشغل انتقاما على طوله ل**نو معاها ? ...

طبعا التلفونات جننتها جن من كل الشباب ال**رت قلوبهم ديل ( عمر ، وائل ، ووليد ) ..بس طبعا ماردت علي ولا واحد ونامت بكل بساطه ..?

الصباح صحت واخدت دش ولبست تنوره زهريه فاتحه ع الجسم واصله تحت الركبه وقميص ابيض وجكت اسود وجزمه وشنطه بيج ورفعت شعرها ونزلت تحت(لينا متحرره جددااا ?) سلمت علي اهلها وطلعت ركبت عربيتها وطوالي مشت ع الشركه ...

وصلت ودخلت الشركه وكل العيون عليها ..اي واحد قعد في مكانو وعاملين بيشتغلو? عشان لو شافتهم لينا قاعدين ساي بيترفدو من غير تفكير?✋? (شفتوني شفته كيف??)

دخلت مكتبها وبي وراها مني المسكينه? ...

لينا: مني جيبي قهوتي سريع ?

مني : حاضر ..جات تطلع وقفتها تاني ..

لينا: مني ..خلي ياسين جلال يجيني في المكتب فورا ..

مني: اا استاذ ياسين ماجا لسه ??

لينا : نعم !!!كيف يعني ماجا ..الساعه 7وماجاا!!تسيب من اول يوم ؟!! (7وتسيب??ياسااتر )

مني: الشوارع زحمه يا استاذه بيكون..

لينا قاطعتها : زحمه بالصباح؟! اطلعي هسي ولمن يجي خليه يجي ...ااهااا مني انا عايزاك تبدليه الفتره دي ✋?

مني: كيف مافهمت ..ابدل منو ؟

لينا: ياسين ..هو الحيكون سكيرتيري من الليله ..وانتي طول عمرك بتحبي المحاسبه ..فانتي حتمسك قسم الاموال وهو حيكون هنا مكانك فهمتي؟؟

مني: بس يا استاذه...

لينا: براااا??

مني طلعت وملياانه فلل ..نفسها تستقيل بس مابتقدر عشان وضعها صعب واضافه انو راتبها هنا مابتلقاه في اي مكان .. كانت نازله تحت قامت لقت ياسين يدووب داخل الشركه ..جات جااريه عليه ..

مني :ياااااسسسيين اقييف ..

ياسين: صباح الخير مني ..اشتقتي لي من الصباح كده?

مني: الاستاذه قالبه عليك الدنيا ليه اتأخرت انت ماعارف عقوبه البيتأخر شنو،؟؟

ياسين: ماكان في مواصلات اعمل شنو بعدين انتي عارفه الاحد المواصلات عامله كيف ..كل الاتأخرتهم خمسه دقايق عايزه تعمل شنو يعني؟؟

مني: امشي ليها هسي بس قبل ماتفتكر انك لسه ماجيت ..بعدين نحنا اتبدلنا ..?

ياسين: اتبدلنا كيف ؟؟

مني: امشي هسي وهي بتفهمك ..يلاا

ياسين طلع لمكتب لينا ومافاهم اي حاجه دخل المكتب وكالعاده مافتح الباب (بينسي دايما??)

لينا اول ماشافتو قامت ومشت بأتجاهو ومسكت يدو ورفعت قميصو واشرت على ساعتو وعاينت ليه وقالت : 7وعشره دقايق ..في كل دقيقه في 60ثانيه .. الثانيه عندنا في الشركه دي بتسوى ساااعاات . غيرك بيحلم بالوظيفه في شركتي وانت هنا يتتاخر من اول يوم كمان ...وجدعت يدو بقوه (بري منك??)

ياسين عاين ليها وماقال شئ وجا داير يمشي قامت تاني مسكتو ?..

لينا : هييي انت انا بتكلم معاك انت قايل نفسك في بيتكم؟؟؟ انا هنا مديرتك وانت لازم تنفذ كلامي..

ياسين: لما يكون مديري بيحترمني وقتها بسمع كلامو ✋?

لينا : هييي هييي اصحى يابابا انت قايل نفسك وين ..انت في السودان ..ماقاعد في دول برا يابابا ..يعني تسكت وتقفل خشمك وتنفذ البيطلبو منك والا تشيل عفشك وتخارجنا ..ماناقصين فلسفه من امثالك نحنا (حقيقه والله ?..عاد يايمه زي بتاع الجوازات القطري داك في هو ?❤معجون بمويه اسلوب❤?) ...

ياسين: في السودان او برا الزول البيحترم نفسو بيحترم الناس ✋?..مهما كانت حالتو النفسيه مابيتنفسن في خلق الله لمجرد مشكله حاصله معاه ..فهمتي ..وانا من حقي كموظف هنا اني اتعامل كويس وباحترام ?..(ووولللد ددااا❤)

لينا اتجاهلت كلامو وقالت : من

الليله انت حتكون السكرتير بتاعي

..والفتره دي عندنا شغل كتير وحنتأخر كل يوم لبعد المغرب ...شايف الملفات القاعده دي ..عايزاك تراجعها كلها وترسلها لي بالبريد لعملائنا بكندا ماعايزه غلطه ..الشغل ده اغلي من روحك فاهم ..لو حصل اقل غلط ما تلفوم الا نفسك..اطلع برا ??

ياسين حمر ليها وشال الملفات وطلع ...شويه كده وتاني جا راجع ..

لينا : يابني ادم انت الزوق ده ماعندك؟؟ انت مستخسر الشغل شكلك كدا اوكي رايك شنو احقق ليك امنيتك دي ؟؟

ياسين من جواه قال (الماعندو زوق فينا منو بلاي ?) ..بعد شويه انتبه وقال : انا مابعرف شغل السكرتاريه ده معليش اعفيني مابعرف اشتغلو انا..بعدين انا خريج محاسبه اشتغل سكرتير ليه؟

لينا : ماداير ليه حاجه ..انا مابيهمني.. الملفات دي تكون اترسلت وجهزت عندك تلاته ساعات تكون خلصتها لسه وراك كتيير ..وانتبهه دي اخر مره احزرك ..لو المره الجايه دخلت من غير ماتستأذن ماتنتظرني اطردك فاهم (كانت بتتكلم ورافعه صباعها في وشو ?)

ياسين للحظه قرب يخنقها عديل بس اتزكر انو محتاج للشغل ده وسكت وطلع طوالي ..

ياسين مشي لي مني وفهمتو الشغل كويس وبدا يراجع الملفاات وهو حيموت بالغيظ وفجاه جاهو تلفون وكان اخوه معتز ..

ياسين : معتز اتصل بعدين هسي مشغول شديد والله ..

معتز : ياسين ابوي عمل حادث ..??

ياسين : شنووو؟؟!!كيف ومتين وهسي انتو وين ؟؟

معتز وراه عنوان المستشفي وطوالي ياسين قام عايز يمشي وفي نفس اللحظه لينا طلعت من المكتب ...