صرخات محبوسة

زعل

...N .........:

بارت21...

#صرخات_محبوسه

لنورا ناصر ..

وصلت زمن .. هي حاليا حامل اخذتني وياهه للدكتوره الي تراجع عدها .. هي دخلت قبلي اني كتلها جنت كلش متوتره ومااريد حتى ادخل ..

طلعت زمن وجهه يضحك كالت بيه اثنين توم شيربيهم هذول وضحكت ضحكت كتلهه الف الحمدلله ان شاءالله تجيبيهم بالسلامه ..

- اي ان شاءالله مدام صحتهم تمام اهم شي هذا عود انطي واحد الماما

- ضحكت الها واجه دوري دخلت للدكتوره وبعد كلشي من تحاليل وسونر كالت عندي تكيس هو الي منع عني الحمل .. اني كلش خفت احس الدنيا اسودت بعيني كتلهه يعني مراح يصير عندي طفل حجيتها بعفويه كالت لا يصير بس لازم تلتزمين بالعلاج والمراجعه ..

طلعت منها ضايجه كلش الدمعه بطرف رمشي ..

كالت هاا بشري ..

- كالت عندي تكيس بالمبايض وهالشي ميخليني احمل .. كلتهه بحزن ..

- لتخافين سهله ع العلاج تصيرين زينه

-ان شاءالله ..

- امشي نمر على اسماء وصتني على كم شغله تتخبل اذا مامريت عليها وبعدين نمر ع الصيدليه لاحمد ناخذ العلاج .

- يلا ماشي

وبالطريق نزلت زمن اخذت كم شغله لاختها ..

ورحنا البيتها .. اول مادخلنه وسلمت عليها شفت لعيونها نظرة الكره نفسها .. شكد مايكون الشخص مرتاح لازم يجي واحد يكدر عليه عيشته ويخرب سعادته .. وهذا حالي وي اسماء ..

دخلنه جوه وكعدنه .. راحت هي ومن اجت قدمت النه عصير .. كالت بشروني شلونكم .. زمن كالت الها بيه توم ظلت تضحك وباركت الها واندارت عليه بطريقه كلش محبيتها بين المعاجبهه وبين التستهزء بيه كالت اي وانت ماحللتي ماطلعتي حامل ..

كلش انعصر گلبي . كتلها لا بعد .. كالت يله حتى زمن تنطيج واحد من التوم وظلن يضحكن ..

اني بهالحظه مرت عليه ايام العذاب وي حسام وامه من جانت تحجي ورادت تزوجه عليه .. سكتت بس كرهتها لأسماء .. احسها متحبني وابد ممتقبلتني .

بقيت اني كاعده بالصاله وهنه راحن جوه كالت الها تعالي انطيج شغله .. سمعت صوتهن بالممر اسماء تكول الها انت شبيج بس كلتلج الدكتوره توأم حجيتي لج لايض*بوج عين ..

اني حسيت تقصدني .. هوايه ضوجتني اليوم من اجت زمن كتلها يلا نروح ..

اسماء .. لا وين عشاكم عندي وهم اخابر احمد وزوج زمن يجون اني وحدي ابو رهف مموجود بالدوام اليوم عتد نكعد نتونس ..

زهراء .. لا اني اريد اروح للبيت تعبانه زمن اذا تردين تبقين ابقي اخابر احمد يرجعني .

زمن .. لا حبيبتي انت جبتج اني ارجعج ولا يهمج يله امشي اروح ..

زهراء .. طلعنا من ببت اسماء ورحنه لأحمد بالصيدليه بس دخلت المنطقه انعصر كلبي ومنا عليه اسماء ضوجتني حيل وكملها احمد عليه من رحت شفت وحده ويا تشتغل ومكايلي تخبلت بالزايد كعد يحجي ويايه ارد عليه او ماارد كلش ضجت اريد بس ارجع للبيت ..

ورجعت للبيت كضيتها نص ساعه بجي .. رحت للمرايه اشوف وجهي يخوف عيوني حمر ومن كد الفرك ومسح الدموع المكياج مسويني چني مهرج ..

اخذت ماي وشمرته على وجهي وكررت هالشي اكثر من مره كلما اريد ارتاح يجي على بالي كلام الدكتوره واسماء والبنت الي بالصيدليه وي احمد وارجع لمئساتي وابجي .. صعدت فوك للغرفه جان وقت المغرب.. نزعت القميص الجنت لابسته وبقيت بس بالبدي الي لابسته جوه والتنوره ونمت ..

كعدت الغرفه مظلمه .. واحس براسي وجسمي كله ثقيل .. مديت ايدي اتلمس التليفون يمي ماكو ..

سحبت نفسي من الفراش گوه. . وكلشي مداشوف امشي واحسب خطواتي للباب توقعت الباب مفتوح

بكل قوه جيت اطلع وانركعت بالحايط .. توجعت حيل راسي ظل يوجعني لزمته وظليت اتلمس لحتى اوصل للباب .. وثلت اله فتحته ونزلت البيت كله اظلم كهرباء ماكو ودنيا ليل ..

بس تذكرت جنطتي وبيهه الفون بالصاله بقيت اتلمس حد ما وصل الها.. اخذتهه وطلعت الفون واحس بركان بداخلي من الغضب واريده بس ينفجر ويخلصني احسه جاثم على ص*ري ..

اول مافتحت الفون طلعت رقم احمد اتصلت بي اول مافتح خط كتله انت وين حضرتك الهالساعه لو لاهي

تدك فج وي هي ام عطووب اليمك .. وسديت التليفون بدون ماأسمعه .. بقيت كاعده مكاني بدون مااتحرك والاضويه مطفيه ومالي خلك اكوم ..

وراسي صاير دوامه من التفكير كلشي اجه ابالي ..

اذا ماخلف يمكن احمد يتزوج ام عطوب عليه اي يسويها .. او يسوي وياهه علاقه اذا هي راح تكون على طول يمه .. وكومه افكار لزمت راسه اريد اصرخ بلكي ار تاح .. بقيت كاعده بالصاله ع الارض والبيت مظلم .. سمعت صوت سيارته طبت للكراج .. بقيت بمكاني ماحركت ساكن .. اسمع صوت الباب انفتح وصوت خطواته وصل للصاله وفتح الاضويه واني كاعده مكاني اريد منه كلمه حتى انفجر بوجه ماادري ليش حملته كل الي صار ويايه .. فتح ضوه الصاله وصار مقابيلي .. كال وهو واكف بمكانه ممكن اعرف ليش تحاجيني بهالاسلوب .. كمت مكاني ورحت وكفت يمه كتله منو هي وياك اليوم

- هي راح تاخذ مكان زمن لان تعرفين حامل وبعد مراح تكدر تشتغل ويايه

- واني ليش اخر من يعلم

...N .........:

- شبيج زهراء تخبلتي نصي صوتج واحجي بهدوء البنيه اليوم بلشت بالشغل سويتيها قصه وانت اول وتالي راح تعرفين ..

- لا ماانصي صوتي وليش هي تشتغل وياك اصلا شنو ماكو غيرها هاا يعني ماكو اله هي

- اششش صوتج هذا مايعلى عليه وبعدين شنو انت مالج ثقه بيه ؟؟!!

- اي مالي ثقه بيك ليش نسيت ماضيك الاسود نسيت علاقاتك المصخمه ..

صاح بصوت عالي كلش ورفع ايده يريد يض*بني عيونه تخوف اول مره اشوفها واول هيج يعلى صوته خليت ايديه على راسي ووجهي احمي نفسي من ض*بته بس ماض*بني دفعني على الارض وگال بصياح اني طالع اذا ابقى يمج أذيج متشوفين خير مني .. وطلع اسمع بصوت سيارته شخطت من يم باب الشارع .. ثواني جريت نفس اريد ارتاح ماكو انفجرت بوجهه حملته ذنب مو ذنبه .. اني شسووويت ظليت الطم رحت للتليفون اتصلت بي ميجاوب ..

تهسترت تخبلت احس روحي ضايعه ليش هيج سويت بي ليش ..

استمريت اتصل بي مره مرتين وعشره ميجاوب ميجاوب .. شسويت بي اني اجرح احمد وبهالطريقه ظليت ادعي على نفسي وين اروح هسه اطلع ادور عليه بهالليل مترهم وين الگي ..

صارت ساعه عشره و11وبالوحده وهو ماكو واني وحدي مراح يجي الليله بعد الي سويته بي .. اني بومه منحوسه مو مال افرح ..

بقيت الليله بين انتظره يجي وبين ابجي وللفجر يلا نمت .. كعدت وهو ماكو .. ظليت الوب يربي وين اروح .. اتصل بزمن .. لا لا شكوللهه تعاركت ويا وهججته من البيت .. هم مترهم ..

بقت الافكار توديني وجيبني .. احس بروحي بنص البحر وعلى وشك الغرق بين الامواج العاتيه .. اريد سبيل للنجاة ماكو ..

أيست ميرد عليه اخذت الفون وكعدت اكتب اله مسجات .. مو مسجات جرايد ..

حبيبي اني اسفه بس لان تعبانه وحجي الدكتوره ضوجني فدوه ارجع وبعد متتكرر احبك واغار عليك والله موبيدي .. اض*بني ولاتسوي بيه هيج ..

وبعد كومه حجي كتبت .. وهو ماكو لايرد ولا يوصل اله ..

شلون اسوي ياربي .. اروح لبيت اهله .. صعدت فوك طبيت للحمام الي بالغرفه حتى اغسل باوعت للمرايه شفت كصتي مورمه وبيها زراك .. الض*به مالت البارحه .. مهتميت كلت الروحي حيل بيج ليش تجرحين احمد والله ميستاهل ..

رحت لبست اي شي وقررت اروح لبيت اهله بعد شارعين عنه .. اني من قبل عندي فوبيا اخاف اصعد ت**ي وحدي من جنت بالمعهد بس المسافه طويله واني مابيه اصلا جسمي كله يرجف عليه هذا احمد حبيب روحي مو شويه اتمنى اطير واروح اله ..

وكفت ت**ي وصعدت ومية سالفه اجت ابالي واولها خايفه انخ*ف .. على ما وصلت نشف الدم بيه من الخوف .. نزلت يم بيتهم دكيت الباب طلعت لمى زوجة اسعد اخو لأحمد سلمت ودخلت للبيت .. جانوا ام احمد واسماء وبعد وحده وبحظنها ايلين كاعدين بالحديقه سلمت وكعدت يمهم ظلت تكص بيه بنظراتها وتدور معاجبهه .. اسماء كالت شعجب جايه وحدج احمد مو وياج ..

بقيت محتاره شجاوب مااريد اسالهم على احمد خاف يقلقون عليه .. كتلهم ضجت وحدي وجيت اشوف ماما وايلين .. بس احسهم ومن خلال نظراتهم يستهزئون بيه . صاحتني لمى ونقذت الموقف رحت يمها بالمطبخ .. اتقربت مني كالت تعرفيها هي منو ؟

اني جنت شاكه بيها هي ام ايلين بس ممصدكه لان احمد مره كلي هو ميخليها تشوفها ..

جاوبت لمى كتلهه مااعرف

كالت هي ام الين .. كتلها واحمد يدري بيها تجي كالت اي يعرف هو سمح الها لان حالتها صارت موزينه واحتاجت امها .. وظلت تتلفت كالت تعالي بالغرفه نحجي .. رحنه للغرفه وسدت الباب وكعدنا جنت متحمسه اريد اعرف شتحجي واباوع الشفايفهه .

كالت باعي تعرفين احمد جان مانع مها من شوفة الين بس الحيه الجبيره

- منو الحيه الجبيره

- اسمااء

- والزغيره منووو ؟؟

- اوو شكد تدققين انت مها هي حيه زغيره بس سمها قوي وقاتل ..

- يمه

- اسمعي اسماء وزمن ياخذن الين لمها وتشوفها الحد ماتعلقت بيها وهي مريضه ومن ترجع بدون امها تتعب كلش وتتأذى .. خلن احمد يستسلم ويخلي مها تشوف الين على طول بس زعل على خواته فتره وهم مابيده شي بنته مريضه وتحتاج امها .. وخالتي ام احمد مريضه وزمن واسماء كل وحده ببيتها واني ماتريدني لذلك صارت ورقة ضغط عليه وقبل بس انت ديري بالج منهم مبينه فقيره وعلى نياتج لذلك اني احذرج منهن خاف يأذوج مثلما أذوني

- سوده عليه حبيبي .. زين انت شنو سوولج

- ياا شريد احجيلج مرتين ردت اتطلك من وره اسماء ميعجبها العجب واسعد بارد كلش كومه حجيت ويا نطلع من البيت نعزل بس هو مو مثل احمد شاغول وتعبان على نفسه ميكدر يدبر النه مصرف بعد مو بيت!! كاضيهه نوم واذا اشتغل وحصل كم فلس يارايح سفره وي جماعته يا مبدل تليفونه موتني والله الخاطر الجهال اني يتبهذلون جان عفته من زمان وفوك هذا كله يسمع كلام اسمااء بالله زمن ورده مال الله بس اسماء حيه ام راسين ..

- يمه خوفتيني منهه ..

- ولج لاتخافين احمد مو مثل اسعد مياخذ حجيهه وكلمته ماشيه ومسموعه ..

- بقيت اتعوذ من الشيطان واصلي ع النبي واقرا سور المعوذات خفت عليه من الحسد بس خطيه لمى لو ماكلبها متروس منهم مجان حجتلي

بعدها دخلت علينه اسماء كالت هاا ش...N .........:

عدجن شو خاتلات .. لمى تصرفت ونقذت الموقف كالت الها زهراء حلو خياطها اريدها تخيط الي فستان ..

بعدها طلعنا يمهم ومها واسماء راحن والين وياهم حتى ماتقربت مني ولا حجيت وياهه ..

طلعت من البيت .. ومالكيت احمد ولااتصل بيه ولارد

رحت البيتي مقهوره وم**وره وضايجه من روحي .. ليش هيج سويت بي ..

بقيت ليله ثانيه لوحدي وهو مابين الامر من هذا كله اشتاقيت اله كلش بس بعد مااتصلت ولا مسجت اله اريد اشوف لوين توصل ويا .. وره يومين اجتني زمن للبيت حسيت هو دازهه .. كعدنا نحجي وكتلهه تعاركنه بس مكتلهه على شنو كالت احمد زعله مر ومحلو بس قلبه طيب حيل .. بقت تجيني وتخابرني واعرف احمد يدزهه اليه بس اني اريده هو مشتاقتله كلش راح اموت عطشانه على شوفته .. كعدت افكر وي روحي شنو المفروض اسوي حتى يرجع ..

بعد طول تفكير قررت اذا اجت زمن او اتصلت مااطلع ولااجاوب حتى يخاف عليه ويرجعلي .. قفلت الابواب كلها وتليفوني سويته صامت ومااجاوب عليه .. اجت زمن دكت الباب كومه ماطلعت الها خابرت هم ماجاوبت .. حسيت بيها راحت .. وطلعت لان جنت خاتله فوك .. للظهر سمعت صوت سيارة احمد اخذت التليفون وصعدت للسطح وسديت الباب بهدوء بقيت عشر دقايق .. ودك تليفوني بيدي جان صامت باوعت للرقم احمد حبيبي فتحت خط كال انت وينج ولج ..كتله اني رايحه احمد بيباي ..

- وين رحتي يعني احجي انت وين هس

-رايحه لأهلي ..

- وولج ولج ووينج جاي اكولج وين وصلتيي هاا

- كولي تعوف الزعل وتسامحني

- ايي يلا ماشي نعوف الزعل بس انت وينج

- اني فوك

- وين فوك رايحه لأهلج بطياره مثلا ؟؟

- لااني على السطح هنا يمك مو بعيده

انكطع الخط دقايق وسمعت خطواته صعد فوك فتح الباب وشفته بس شفته ردت روحي اليه لو يكولي شمري نفسج من السطح ماارفض ضحكت اله والشمس تض*ب على راسي .. بس هو يباوعلي ومخنزر عليه كال بعصبيه يلا نزلي وحرك راسه يأشر على الدرج

- اني اسفه

- اي خوش هسه اصرفها الج هي الاسفه عود ..

ونزل جوه .. نزلت وراه والسكوت سيد الموقف

وين ميروح اروح وراه اريده بس يحجي ماكو

اخر شي حاولت اخذ واودي ويا بالكلام كتله تريد غدا كال صبي .. تونست من حجه رحت صبيت الاكل وكعدنا ناكل بس صوت الخواشيك تض*ب بالمواعين وصوت انفاسنه ماكو كلام ولاحتى يباوع بوجهي اعرف جرحته بس هو اعتذرت وندمانه شسوي ..

بعدها كام غسل وصعد فوك اني بقيت اغسل مواعين وسويت اله اكله يحبها .. وصعدت فوك بدلت ومكيجت رشيت احلى عطر والي يعجبه ورحت يمه على الفراش جان نايم على ظهره ومخلي ايديه جوه راسه ومغمض تقربت منه اشم ب*عره حس عليه كعد يباوعلي ويخزرني وعيونه حمر ظليت اباوعله وشبه مبتسمه فرحانه هو يمي .. اخذ مخده وخلاهه على راسه تقربت منه بهدوء وبسته على ص*ره ..

يتبع ..