مكيدة

2017 Words

بارت 18 #صرخات_محبوسه بقلم نورا ناصر ... بقيت جامده بمكاني يحجي واني صافنه بوجهه وافكر بأحمد شوصله لأبراهيم وشون وشون كتله شمدريني اني اسأله اله ظل يباوعلي بخزر عندج علاقه ويا كتله لا ابراهيم ماعندي شي ويا انت شنو ما اإلك ثقه بيه .. كال جيبي تليفونج .. اني بكل ثقه انطيته التليفون لان من اريد انقطع عن التواصل وي احمد احذف حساب الواتساب الي مسويته ع الرقم القديم وتروح ويا الدردشات .. بس خايفه لايفوت ع الصور وتصير مصيبه لان حافظه صورته هو وبنته وماحاذفتها. . ظل يفتش واني ارجف وادعي بقلبي ميلگه شي واخيرا شمره على الميز وباوعلي وعيونه تخوف كال اني راح اگولهم ماعدنه بنات للزواج خلي يروح مكافي الحجي الي صار بسببه ومن وراه جاي يخطب صدك ناس ماتستحي .. گتله ابراهيم شنو انت تشك بيه تره معندي شي ويا اني مع الاسف عليك رجع باوعلي كال بس عجيب ليش يخطبج لعد - روح اسئله اله اني شكو قابل .. طلع وسد الباب حييل وراه وخلاني محتاره بأحمد شون وصل لأبراهيم وخطبني منه .. بقيت رايحه جايه بالغرفه وحتى الرهبه تملكتني خايفه لاأراسل أحمد واسأله وأبراهيم ياخذ تليفوني مني ويشوف عندي تواصل ويا .. بالليل خليت راسي على المخده اريد انام وافكر شون سواهه احمد يعني يحبني ورايدني رغم اني جافه ويا اي هم يحبون الي يركضون وراها مو الي تركض وراهم وتنطي مجال بس شالفايده اذا احبه ويحبني ومانكدر نرتبط وحتى مااكدر اكول لابراهيم اريده ومايهمني حجي الناس شكد موجع ومؤلم هذا الشي .. طلعت تليفوني ودخلت على حسابه وااتصفح بي الحد مانعست واباوع الصوره ومنشوراته .. بعدهه نمت .. الصبح كعدت وانتظرت عبير تكعد بلكي تعرف شي .. من كعدت بقيت وراها وراها واختلق الكلام حتى اوصل للي اريده اخر شي كتلهه اكلج منو هذا الي خاطبني - ليش متعرفي مو هذا اليـ - اي اي اعرف بس شون وصل الي ؟؟؟ - داز اهله لبيت عمتج ام سامر ابغداد وعمتج خابرت ابراهيم وكلتله ابراهيم كللهه سئلوا منو هو ومن سائلين عليه طلع هو نفسه .. - واخيرا ارتاح قلبي هذا أحمد ميكعد راحه ابد ضحكت باوعتلي عبير گالت انت موافقه عليه لا شون اوافق وابراهيم ماموافق - فرضا ابراهيم وافق انت تقبلين - بارتباك كلتلهه لا لا نوب تثبت عليه التهمه والناس ماترحم واني مسولفتلج الموضوع من قبل اي شي ماعندي ويا هم اختلقوا هي التهمه وحسام مره گلي اريد ازحلكج من حياتي وهددني بأحمد اني مجنت الي اي علاقه بي مجرد شخص بنفس المنطقه وحجيت الج سالفة البزونه وشون شافني حازم احجي وي احمد ع مود يرجعها وبس هذا االي صار - اي اي صحيح يمكن حسام راد يزحلكج على كولته حتى تتنارلين عن حقوقج كلها مو - اي هذا الي صار وتهموني ويا - زين هسه ليش جاي يخطبج - مااعرف شمعرفني روحوا سألوا اله .. - خاف يحبج من الاول من شافج بالطريق - ماادريي - زين منين تعرفين اسمه ؟؟ - هاا أأأ مو مية مره كالو كدامي شون مااعرفه حتى إبراهيم البارحه گاله كالت ها عفتهه وطبيت طول مااحجي وياهه احس راح انفضح وافصح عن حبي اله وهي تحاول توصل الشي لان هواي تدقق بكلامها .. بعدهه إبراهيم دز الرفض لبيت عمتي وهم وصلوها لأحمد اني متت من القهر وحتى ماگدر احاجي لازم اقتنع وخلص هي هيه ماكو شي يجمعنا .. مااريد اخلي يتعلق بيه ولااني اتعلق اكثر رغم غصبا عليه متحمله مااحجي ويا الي مصبرني هو بروفايله افوت عليه بالساعه مية مره واقرا كل شي بي .. مرت كم يوم اني حتى اكلي قل وكوه اصارع حتى لا ابين الهم متأثره بشي ومرات ينتبهون عليه اكوم من الاكل بسرعه ويسألوني وخاصة البنات ميفتهمن ويحرجوني اكول الهم الدراسه صعبه واريد اقرا وهيج اتحجج احاول اخفي شعوري بكل ماأوتيت من قوه واني بداخلي اتوجع والوم واعاتب الزمن ليش الي احبه مااكدر اكون بقربه ولا حتى دقيقه صرت اقنع نفسي اني مااريده ماحبه حجي الناس بس بداخلي ع** كل هذا اريده هسه اكثر من اي وقت اريد اخلي راسي على ص*ره واحس انتمائي اله وبأن هذا هو موطني .. مرت الايام .. وماتغير شي .. فد يوم رحت للكليه جنت لابسه قميص ابيض رداناته كيبور عريضه وضيقه ع المع** وجواته لابسه بدي لان الكيبور خفيف وتنوره نيلي كصيفه .. رتبت وجهي وخليت مكياج وطلعت .. خلصت محاضرتين وكعدنا اني وصديقاتي .. وعلى هالكعده اجت بنيه مشايفتهه من قبل اني بس مبين عليها طالبه بغير كليه .. كالت وين زهراء حسين .. كتلها اني كالت تكدرين تجين ويايه شويه .. استغربت هي شنو تريد ؟؟ كتلهه اي ماشي ورحت وياهه تمشي واني امشي وراها سابقتني بخطوات قليله .. كلما اسألها تكول اصبري هسه تعرفين .. كل مااسئلها هيج تجاوبني حتى خفت منها وردت ارجع .. طلعنه خارج الجامعه واني امشي وراها مذهوله .. وصلنه لمكان وكفنه جوه شجره .. وبقينه واكفين ثواني واشوف بصفي احمد اندهشت باوعتله گتله يمممه شجابك ظل يضحك كال ايييه شكوو عليج (وجر حسره) شهالجمال شهالاناقه واني مشتعل شعل .. - احمد دخيلك شتريد مني - امشي ويايه نحجي شويه وروحي - كتله مابينه حجي اني اعتذر واريد اروح سحبني من مع**ي وسحبني اله اني كلت راح يفضحني كال بس دقايق نحجي وروحي جاي من طريق بعيد بس لحتى احجي وياج . .. كتله ميخالف بس اترك ايدي كال يله تبعته شعوري خليط بين الرهبه والخوف لاأحد يشوفنه وبين نار الشوك الي انطفت بيه من شفته كلما اشوفه احسه صاير احلى من قبل الدرجه ركزت بكل شي بي يكولي تعبان وهو يخبل جاي بكامل اناقته لابس ستره رصاصي وجواتهه قميص ابيض والبنطرون جوزي وكلشي منسقه وي البنطرون من سوار وساعه وحذاء .. امشي وراه وارجف بس تمنيت اروح ويا وماارجع .. دخلنه السيارته اول ماكعدنا كتله ها خلصني شتريد مني كلتهه بعصبيه واحس وجهي نار تطلع منه .. معصبه عليه ومقهوره بداخلي ماايعجبني كلامي ويا بهالطريقه بس مابيدي شي .. كال زهراء ليش رفضتيني ؟؟ - ليش هو اني جان الي حق ارفض او اقبل رأسا ابراهيم قرر عني احمد مابيدي شي اني .. - بس اني كلشي بيدي اسوي تره ورفع اصبعه بشكل تهديد - وشسوي يعني بالله شسوي - كولشي اسوي اني زلمه واكدر احافظ على حبي ومااخلي يروح الغيري - شسوي بالله تقرب عليه اكثر واني كاعده بصفه وهو بمكان السايق كلي اروح هسه اهدد اخوج واخلي غصبا عليه يوافق او هسه اخ*فج واطلع بيج گبل اريد انزل لزمني من ايدي قوي گال بسسس اني مااريد شي يمسج بسوء ابد ونفس الوقت مااريدج تصيرين الغيري - الله يخليك احمد انت شبيك مستعجل قابل دتشوف العرسان عليه طوابير حتى اصير الغيرك مصار على وفاة زوجي سنه وبسرعه جيت تقدمت ونوب السالفه لسه ديحجون بيهه .. مدتشوفني جاي ادرس واشتغل بس انت شمدريك دتشوفني بس من بره مدتشوف من داخلي وشجاي يصير بيه - لج والله احبج وتعبت هالكد بعيده عني فدوه مااريدج تصيرين الغيري وعديني زهراء وهسه - تحسرت وكتله ميخالف اوعدك بس انت اصبر اني ماطايره تره .. كتله لازم اروح كال روحي ودعته واريد انزل من السياره كتله احمد شون اندليتني ضحك كال انتي شون اني يعني ولزم اصابعي قوي حتى لاافلتهم كال من تطبين على حسابي شبعتي تعليقاتي لايكات فتت على حسابج لكيت اسمج واسم جامعتج واصدقاء الفيس ماقصروا ودلوني عليج واني جيت وان شاءالله تكثر جياتي ويغمزلي بعينه .. فلتت ايدي منه بهدوء وهو هم تركني ودعته مال احبج ابتسمت ونزلت واني اضحك شمدريني اني مخليه لايكات التعليقاته نوب اني صارت عندي عاده اذا مافوت الحسابه ماانام ولاتاخذ عيني نوم ... رجعت للكليه وكملت محاضرات ورجعت للبيت .. وفكري عقلي وقلبي وروحي كلها بقت يمه بالساعات ابقى صافنه اتذكر كلشي بي حتى حركة شفايفه من يحجي .. حتى خصلات شعره الواكعه على جبينه بقت ابالي واني كاعده اتمنى اعدلها .. وعصبيته من يحجي اتمنى احضنه واهدئه .. مااعرف شون خلص الليل وكعدت الصبح على وكت حتى نومة الصبح طارت من عيوني .. رحت اصب الي جاي بثواني طب ضياء يباوعلي ويضحك بإستهزاء .. گتله هاا شكو كال هو هذا الي رفضتيني علموده ؟؟ جمدت بمكاني مااعرف شنو يقصد كتله شتقصد اكدر اعرف .. تقرب خطوات باتجاهي واني رجعت لوره وصفيت روحي بالطباخ كال على كيفج لاتحتركين اني البارحه اجيتلج للكليه كلت نكعد ونسولف على راحتنه بلكي تهدين وتغيرين رأيج وتقبلين بيه لان اني بعدني اريدج شفتج طلعتي وي بنت من مشيت وراج وعبرتي الشارع وبقيت وراج وانت سابقتني بهوايه مااكدر اصيحلج بعدهه شفتج وكفتي يم واحد ونوب رحتي ويا للسياره درت وجهي ومشيت عنج بس هاا تره بعدني اريدج - وهسه شتريد مني ؟؟ - ابراهيم يدري بـ البويفريند مالتج - انت متوهم وهذا مو فد شي مجرد زميل بالكليه وبس ماعندي شي ويا - اها على العموم اذا ماتردين إبراهيم يعرف بالموضوع وافقي ع طلبي اودعناج زهوره فكري عدل واني هم راح ابقى وراج تره .. - طلع واني نزلت بالكاع ثنيت ركبي وخليت راسي عليهم وظليت ابجي ياربي شنو هالورطه الي تورطت بيهه شون مشكله هي شهالحظ الفاين هذا .. شگول عليك احمد شگووول ..سمعت صوت الباب مال الشارع وحركة سيارته عرفته ولى رحت اركض للتليفون اخذته .. طلعت رقم احمد دكيت ماكو عبير هالوقت بالدوام هي وابراهيم والبنات .. بس اني وحدي .. احمد مايرد . خفت لا ضياء يرجع واني وحدي لازم اترك هالمكان مااتحمله بعد بس شون وضياء شون وتهديده .. افضل الموت على الزواج منه كلش كرهته مستحيل اتزوجه لو يبقى اخر واحد بالكون مدام هددني .. بقيت على نار وحتى مااكدر اسوي اي شي ابد كل شويه اكمز بمكان ..حتى دوام ماابيه اداوم صارت ساعه 11ودك التليفون واخيرا استاذ احمد كعد من النوم وحن عليه واتصل زين هو شراح يسويلي جاوبته من لاجاره بس اكول الو عبالك انفتكت عليه كتله احمد اني مو كتلك راح تفضحني كله منك احمد ليش اجيت البارحه لييش ..!؟؟؟كال - وحده وحده خلي افهم شبيج متكوليلي - لك ضياء شافني البارحه وياك - وهذا منو بعد - وحجيت اله على ضياء ومنو - هلو هلو وكاعده وياهم ومخلي عينه عليج واني انتظر منج الحرف حتى يشفيني اوف اوف وهسه شيريد هذا - هددني اذا مااقبل بي يكول لابراهيم عليه واكيد ابراهيم اذا عرف راح يجبرني عليه ويخليني اقبل بي غصب - لج ديري بالج تقبلين بي حتى لو ننهزم سوه لج والله مو انانيه مني اتجاهج لا بس هذا مو رجال مدام هددج وثاني شي هذا شافني وياج يعني اخذ عليج نظره محلوه تدرين عنده غايه مدام مصر ياخذج وراح يعيشج بجحيم اتعس من حسام - غاية شنو - مااعرف انت كولي شعندج يعني يمكن طمعان بيج انت ورثتي شي من ذاك ؟؟ - اي - هذا طمعان بورثج - وانت أحمد ؟؟ - اني شنو ؟؟ اني احبج واريدج للابد احب روحج قبل كل شي وقبل لااعرف عندج اي شي اني رايدج وميهمني بس شوفي حالج لهسه تشككين بيه وماواثقه بيه لج مناقصني شي وعندييي خيير من الله ومقتنع بي - وهسه شسوي وي ضياء ؟؟ - اذا حسام ماقتلته هذا لاااا اشرب من دمه ومااخلي يمسج بسوء - انت كل شي عندك قتل لك هذا عنده جهال ومتزوج - يايابه وخايفه عليه هااا ؟؟؟ - مخايفه بس مااريد ايدك تتلطخ بالدم .. - مدام متزوج سهله خليهه عليه اني اطلعج منها - شراح تسوي - تدرين اني الصبح طلعت من الحله للبغداد جنت نايم ابيت صديقي وهسه عقلي واكف خليني اركز وافكر بشي .. وروحي انت للدوام وبعدين نحجي ماشي - مابيه اروح للدوام احمد مالي خلك كل شي - لا حياتي اني وياج ومراح اعوفج مدام سببت الج المتاعب راح اطلعج منها اوكي وهسه خليج ريل** واتصرفي طبيعي ولتخلين الخوف يبين عليج ماشي عيني وبدلي وروحي للدوام ولتبينين اله انت خايفه منه طز بي ويحلهه الف حلال لتخافين يارووحي انتي .. - ماشي باي هسه - باي مااعرف ليش حسيت بطمئنينه وثقه بكلامه بدلت ورحت للدوام سويت مثل ماگلي بس خايفه كلش وهناك واني بالكليه خابرني احمد وجاوبته گلي انت مو گلتي ضياء متزوج ؟؟ - اي متزوج - وزوجته تعرف هو خطبج - مااعرف - زين تكدرين تدبريلي رقم زوجته - شنووووو صيحت - شبيج طرشتي أذني مراح انسق وياهه اني عندي انت مخليتني مااشوف بعدج مره بس عندي شغل بي دبريليا عود - اي عود خوش اذا گدرت ادبره .. - لازم تكدرين زهورتي لازم - ماشي احمد - بعدج خايفه - مييته مو بس خايفه - وشبيج راح تبجين كتلج سهله ومكضيه وبعد مراح اخابر اني اله انت تخابرين لان اخاف عليج والرقم ضروري يدبر ماشي .. - اي ماشي - يله هسه باي - باي .. رجعت للبيت واول فرصه كدرت اشوف بيهه تليفون عبير حتى اخذ الرقم نبشت وشفت رقم بإسم ام عبدالله لان ضياء هيج يصيحوله .. ابو عبدالله طبيت على المحادثات وتأكدت هو هذا رقم مرته كلشي مبين وواضح انه رقمها .. ودزيته لأحمد ... يتبع

Free reading for new users

Scan code to download app

App Store Google Play

Facebookexpand_more