فجر النعش

3132 Words

قرأتُ نصًا يقول: كلما كتم المرء أحزانه وراكمها تحولت تدريجيًا إلى ألم جسدي تخيلوا مدى هشاشة المرء حين يظن أن الكتمان انتصارٌ عظيم بينما هو بالحقيقة أكبر هزيمةٍ قد يرتكبها بحقِّ نفسه شفته طب تلگيته - هلا بالعريس هلا والله لعد غير تكول جاي احضر الجوكليت اطشه عليك اهلهل اركص - صار العقلج شي مبين مو ؟ - ليش حسام ليش هاا ليش بس كوول ولك بشنو قصرت وياك حتى تسوي بيه هيج هاا بشنوو - زهره طالعه روحي سكتي عني طاب انام وارتاح - تعل تعل وين تنام اطلع بره يلا اطلع هذا بيتي وانت تهمتني بشرفي مااريدك هنا اطلع بره (بصيااح) لزمني من رگبتي خنگتي ظل يصيح بوجهي ولج الناس شايفينج انت ويا طبه وطلعه اني لاتشوفيني صابر عليج اريد ازحلكج انت ويا سوه بس صبريلي. ودفعني وراح طب جوه بالبيت... اني بقيت ميته خوف منه وكرهته كلش كرهته وكرهت حتى سنيني العشتها ويا تمنيتها مو من عمري احس عمري وشبابي الجاي اعيشه عاصفه ظلمه والظلام الدامس يحيطني والعاصفه تخوط بيه واني عميا ومااعرف اصرف . المن التجأ والمن اطي وجهي اباوع للبيت بكل ركن الي بي حاجه مستحيل اعوفه واطلع . طلعت التليفون من لا جاره اتصلت بحماتي وشكيت الها قابلتني بالزجر والرفض . كل الي سمعته منها هو رجال ومن حقه والشرع حلل اربعه مو زين منه ملفيج ابيته ومحط بيج جلاق وطردج وانت عاقر متخلفين. اني ل**ني انعكد كتلهه ترضين رجلج يتزوج عليج صرخت بوجهي وشبيه ويتزوج عليه هي كدامج مخلفتله درزن دصيري مثلي بالاول وتالي احجي هذا الحجي - اي بس اني ممتاكده السبب مني حتى ماراجعت طبيبه وفحصت احتمال منه السبب مو مني - لاعيني اشو كلنا حملنه بدون مروح للدكتوره شمعنى انت وبعدين هي كدامج احنا كلنه اخواته واخوته مخلفين وعدنه درازن هو قابل يطلع عليمن ميخلف السبب منج انت متخلفين .. - سديته منها كل امالي متحطمه احس مذبوحه من الوريد للوريد حياتي جاي تدمر واني مقيده محد عندي وهي اخته ماالومها قابل مثل اخويه حقها تدافع عنه سيفين سيفين .. بقيت كاعده بمكاني مستسلمه للامر الواقع كالعاده ومثل كل مره ومثل كلشي صار بهالسنين الي مرت الى ان كعد حسام خلف برودة اعصابي نيران مكبوته صرخات محبوسه اودعتك قلبي فخنته دعني وارحل اترك لي اوجاع الشتاء والصيف اداويها وحدي ..لست بحاجه ظلك فانت لاشئ.... قد اضحيت رماد لكنك خلفت اختناقي واهاتي فان لي كيد لم يره احد بعد فيا ويلك منه (منقول) كمت وكفت على رجليه وصرت گباله اتمنيت اقتله بيدي جوايه بركان من نار رغم ماكو مشاعر اله بقلبي احس ماتت من زمان كلش .. بس مااريد اشوفه گبالي اكرهه وصلت حدهه ويا . اريد اتطلك منه واعيش حياتي بس بنفس الوقت مااريد اخسر اريد اخذ حقوقي كلها لان تعبت وممحصله شي قبل جنت افكر باهلي والمجتمع شلون راح ينظرلي نظره بالموزين واني مطلقه بس هسه لا صار اخر همي حجي الناس لان هم موعايشين الي اني عشته وشفته وي واحد بخيل عليه كريم على نفسه اناني تاركني ميعرف عني شي ابد . حارمني من ابسط حقوقي وبالتالي يتزوج عليه . عجبني اتمرد على كل شي وماحسبت حساب لاحد وخليت كل شي وره ظهري . وكفت لان ماردته يشوفني ضعيفه باوعلي كال. جوعان اكو شي اكله . - تهي بهي لا والله ماكو روح المكموعتك خلي تسويلك اكل - شبيج ولج شو كلش صايره امداني ماكو مكان ارتاح بي - اي روح ارتاح وياهه لازمتك . - ولج ضاملج ضميمه اخ الله اني اعلمج . - ضميمتيش ؟ - اصبريلي انت وهذا الكلب بس خل الزم لزمه عليكم اني اعلمج - هههههه حسومي قبل لاتتعشه بينه احنه راح نتغده بيك اذا مااخلي هذا الي تسمي حبيبي يقتلك واشرب اني بنفسي من دمك واطلع عذاب الشفته وياك كله من عيونك بسيطه اله هيجي يله اخلص منك .. ظل يبحوش بالمطبخ ويگلب بالغراض حسيته يدور على شي يريد يض*بني بي خفت يلزم سجينه وينهي حياتي . طلعت من المطبخ ركض ورحت للحمام وقفلت الباب عليه لان بابه قوي ظل يشخط بي بسجينه هيج توقعت ويعيط بعالي صوته اطلعي اليوم انهيج ظل على هالحال دقايق بعدهه راح ماسمعت صوته بعد بقيت اني خايفه اطلع وميته خوف منه .. مرات اكول اطلع وخلي يقتلني مرات اخاف وحلاوة الروح الي بيه تمنعني . بعدهه طلعت من الحمام واني امشي ع اطراف اصابعي بترقب وخوف دورته بكل مكان ملكيته رايح اتنفست وحسيت براحه ورحت قفلت كل الابواب .. وكعدت وحدي الليل اظلم وحياتي بلونه كل فكري شلون اتطلك من حسام واخذ حقوقي كلها بالليل سمعت صوت سيارة حسام طببها للكراج ظل يدك بالابواب يريد افتحها ماافتحتها ظل يعيط يعيط افتحي ويغلط ويكفر ماافتحته وظليت احاجي من الشباك واعيط عليه واكوله روح لمرتك مو عدك مره شكو جاي هنا سمعته سكت بعدهه صوت كزاز وكع والصوت من المطبخ رحت وشفت الجامه مال باب المطبخ ان**رت وهو طبب ايده وفتح السركي مال الباب . رحت ركض للغرفه وقفلت الباب كلبي يدك بالدقيقه الف خفت منه لايأذيني . نمت واني ميته خوف والصبح كعدت وهيج مرت الايام ظل يوميه يجي للبيت مو من عوايده خابرت رقيه وظلينه نحجي عرفت منها مطلكها الهي المتزوجهه بس ماعرفت ليش كالت طلكها وخلص سديته منها وكعدت افكر احتمالين يمكن عرفت بي ميخلف وتطلكت منه او يمكن هو مل منها تريد طلعه وطبه ومصرف وفلوس وعدهه طفل وهو ميصرفله كل هذا يريد وحده مثلي تصرف على نفسهه ومتطلب منه . للظهر اجه بس هالمره ماقفلت البوب بوجهه ماادري ليش مو لان عرفت بي مطلك بس هيجي تعودت ع كل شي تعودت ع ضيمه وقهره انانيته وكل شي بس بقت فكرة الطلاق ابالي مخليتهه ماشلتهه احس تقويت بعد مااشبعت طن الم ووجع ووعذاب وتحملت حمل جبل ع اكتافي ومسؤؤليه واني بعمر الورد . كعد بالمطبخ يمي حسيته مقهور وضايج ماادري شبي بس كلش هادئ .. جنت طابخه اكل تمن ومرك ونعمه من الله صبيت وخليت كدامه كعد ياكل بس روحي لايبه منه اتمنيت عندي سم وادسه اله بالاكل ردت هذا الاكل يطلع عليه سم من ينزل ابطنه . كعدت كباله وهو ياكل كتله هاا حسام عفتهه اتصنعت الابتسامه او ابتسمت بقهر واصفك بيديه واحجي وهو ولايمه يخلي لكمه بحلكه وياكل ويباوعلي ويدنك كملت حجي كتله مارهمتلك مااصرفلك هاا انت تريد وحده تصرف على روحها مو تصرف عليها تريد وحده تسكت ع كل ضيمك مو لو لا لحظه لحظه يمكن عرفت بيك عقيم ومتخلف اطفال دكتلك طابع مو هههههههههههههاي تره لاعبالك اني دايمتلك لالا الي يوم وهم ازحلكك تره من هسه خليهه ترجيه بأذنك انييي مدايمه الك بس شكول غير حسبي الله ونعم الوكيل عليك الله ياخذ حگي منك ظلمتني وجاي تحجي بشرفي وبعد الله يعلم شراح اشوف منك ومن ضيمك ظليت احجي وكلبي مايبرد احسه جمره موجره هو لحس ماعونه وكام ومرت الايام هيجي يجي للبيت ويحاول يتقرب الي بس اني كلش مااشتهي يتقرب مو معنى يريد فراش لا وانما تغير شويه يجيب مسواك يجي ع وكت للبيت ويحجي ويايه من يكعد يباوع تلفزيون ع شي فلم او مسلسل بس اني كارهته ومشلت فكرة الطلاق من بالي يوميه ادعي الله يخلصني منه مو طايقه اعيش ويا وخايفه منه لاصدك يزحلكني بتهمه مثل ماكال . طلعاتي للسوك صح قليله كلش بس من عدهه مشفت احمد بعد ولااتصل ولاهو ولا زمن مجان يهمني اني ابد . بيوم رجع حسام معصب ويغلط ويكفر شكو شبيك كتله ابرود .كال سيارتي مشخطيهه واني اعلمهم وهيج اسوي وهيج اسوي . مرت كم يوم وبليله اجه ريحته بنزين مااعرف شنو شمر ملابسه بالحمام وطلع رحت غسلتهم . يوم ثاني خابرتني رقيه كالت حسام ماخذي الشرطه كتلها ليش كالت تاهمينه حارك سياره ودراجه بالمنطقه يم بيت ومحترك جزء البيت كله النار واصله للكهرباء ولايحه البيت بس مو كله بس محد متأذي وهسه وسام وحازم عدهم واسطه يردون يطلعوا اني اصلا ماعندي اي شعور بلحظتها خلي يتذوق من الي اني ذقته من وراه .. كم يوم وطلع من السجن يضحك ويتبختر ويكول التهمه ماثبتت عليه ويكول اني محد يكدر عليه خلييوولون محد يكدر يوصلني بس بقيت بحيره اني بيت منو الحركه وسيارة منو بس لااحمد مصيبه كلشي يصير لان هو ويا مو ع صلح ابد . طلع حسام لشغل عادي مثل كل يوم بس بهالفتره الدراجات ظلت ليل نهار تمر من يم بيتنه بشكل ملفت ومخيف خفت لا هذول يردون يسوون شي النه يحركون بيتنه او اي شي ثاني يسوو والي خوفني اكثر وصول مسج من رقم غريب مو مثل ارقامنه فتحته مضمونه . زهراء عوفي حسام وطلعي من يمه بأسرع وقت تره راح يصير شي بي هالايام اني احمد كلش خوفني المسج مالته خفت لاناوي على شي بقت افكار تروح تجي ابالي وصوت الدراجات اليمنه تخوف مرات تصير طكطكه منا ومنا خفت لايفوتون عليه ويأذوني واني وحدي بالبيت بالنهار بس بالليل يجي حسام وميهمه الخوف تملكني وحسام مو خالي اكيد مسوي شي رجعت دزيت رساله لنفس الرقم كتله شنو صار رجع دك عليه من خوفي رديت بس ردت اعرف شراح يصير جاوبت كلت بخوف وتلعثم - الوو - الو ها زهراء شونج - بلا مقدمات شناوي اسوي - لج مو اني اني اصلا مو بالعراق بس هذا رجلج مصيبته كبيره وا****عه حاقدين عليه ويردون ياخذون حيفهم اطلعي من يمه هالفتره وروحي - بقت دموعي تجري معقوله يصير شي كتله يعني شيسوون . - كولشي يسون يحركون البيت بلي بي وخاف انت بي ويصير عليج شي روحي . - وين اروح يعني ؟! - وتسأليني الي اني وين ادري روحي يم اهلج - اي بس اهلي مو هنا - لعد وين - بغير محافظه - اي خليهم يجون عليج اي احد منهم ابوج اكيد اذا تكوليله راح يجي مو - احمد اني ابويه ميت - الله يرحمه ..اي احد طيب اخوج - احمد انت ليش تخوفني هاا كول انت ناوي ع شي وفضني - لج على شنو ناوي شكد فاهيه الخاطر الله بس اني كلب ابن كلب مفرفح عليج وانت تظنين بيه سوء دروووحي ظل يعيط بأذني سديته بوجهه ميته خوف وشاكه بي وره هالمصيبه انوب شكد عصبي بسرعه يصيح خربب لاادري يحجي بحماس لادري صدك خايف عليه ظليت اروح وارجع شگول عليك حسام والفون بأيدي دك مره ثانيه جاوبته كبل لااحجي گال - هسه شراح سوين - شسوي يعني - تصرفي اطلعي من البيت تردين اخابر ع زمن وهي توديج يم اهلج - لا مترهم .. - اخخخ الله تدرين لو اني قريب عليج لج والله اجي اخ*فج من بيتج لان اعرف الخطر المحيط بيج هسه واعرف زوجج ميدبرها ليحميج بس بنتي مريضه قبل فتره سوت عمليه بالعراق وصارت الها مضاعفات وطلعتهه ع الهند - الله يشفيها .. - هسه شراح تسوين ؟ - شسوي - اطلعي من يمج فدوه - شكرا ع اهتمامك عندي الله يحميني .. وسديته بعد ماسمعت منه شي ابد وعفت التليفون سايلنت ورحت اشتغل بدون واهس بس فكري وبالي متشتت وكلبي يرجف خايفه ع ياساعه يطبون صدك عليه ويأذوني لو يحرگون البيت واني بي ومدااعرف منو هم ذول ومااكدر اخذ بالحجي وانطي وي احمد مااكدر اتعمق ويا بالحديث ... للمغرب اجه حسام تلگيته كتله انت شمسوي هاا شمصخم ولك راح تبلينه انت كام دفعني وخررري فوك ضيمي عليه انت - كلي انت شمسوي ؟؟ - ماامسوي شي ولي من كدامي - وديني لبيت اهلي - ولييي ذاااك الدرب درب الصد ماارد - شون اروح منو يوديني وديني انت ولا جنه يسمعني طب للغرفه اخذت التليفون وكلام احمد يدك براسي لان اكيد هذول جماعته ويعرفهم ويعرف شيسوون ومبين حاقدين لان الشرطه مانصفتهم واكيد احمد يعرف شي ليش خابر وحذرني خابرت ع اخويه ابراهيم مغلق تليفونه خابرت ع هناء مرته بالمختصر كالت طالع ايفاد .. ردت انهزم منا ماجاي احس بأمان ابد وحسام وعملته السوده راح تعم عليه وعلي لليل نمنه گوه كعدت ع صوت وعيت حسام كتله كوم اكو صوت كام طلع بره لفيت نفسي بشال واترقب انطفت كل الاضويه ماادري شنو صار سمعت حركه غريبه صوت انفاس همس مااعرف شنو بعدها سمعت الباب انركعت وصوت ونين تملكني الخوف ورجليه انشلت كلبي احسه وصل الحنجرتي يريد يطلع من الخوف كلش خفت متت . الونين شويه شويه جاي يقل الصوت والظلام دامس كوه اتجرأت وشعلت لايت ومشيت بترقب وخوف طلعت بره اتبع صوت الونين بالكراج وره سيارة حسام مدد واكع بالارض ويون رحت تقربت يمه نزلت عليه ظليت اتلمسه ظلمه حجيت ويا شبيك حسام شصارلك هو بس يون وبعدهه سكت ماكام يون ايدي صارت رطبه اخلي الايت عليها حمره حمره كلها دم دم اكعد بحسام مايكعد كوم كوم ماكو حس ولانفس صار الخوف يجري بعروقي وشراييني احس كلي كتله من الخوف ظليت اون وانحب وامشي الضوه ع جسمه من يم بطنه وصفاحيه مدمم اريد اصرخ بين خايفه خاف يرجعون يقتلوني وبين مصدومه اول مره اشوف هيج شي والصرخه متطلع الموقف جان كلش مخيف اكعد بي ميكعد غرگان بدمه لاادري بي عدل لاادري بي ميت والظلمه بكل مكان بس الضوه الي بيدي وموكلش قوي احس نفسي بداخل فلم رعب . حاولت اسحبه مااكدرت ثكييل كلش واحجي ويا كوم حسام لاتسويهه بيه هسه كوم ماكو حس ماكو نفس كمت اريد اجيب التليفون اخابر ع اخوته جنت حافيه والارض بارده ثلج شهر الثاني بدايته واحس سخونه بجسمي من الخوف وارجف طبيت للبيت وادور التليفون حتى نسيت مكانه لكيته وظليته اتصل برقيه ماكو ماترد رجعت المكان البي حسام وويايه التليفون والضوه كعدت يمه ع الكاع والكاع بارده ثلج ورطبه مليانه من دمه وكل شويه ادك ع رقيه وابجي واحجي برجفه ويا حسام اكوله كوم عفيه كوم والله اني ماخنتك تره ومستعده اصبر بعد وياك بس لاتموت والله ماردتك تموت اني والله اباوع للباب اخاف اطلع اروح لبيت وسام خاف الي كتلوا بعدهم موجودين بالطريق . صاح الله اكبر اذن واني كاعده يمه بمكاني وكلش محتاره اخذت التليفون ودكيت ع رقيه بلكي تكعد وي الاذان وتجاوبني وصدك دك وجاوبت احجي وياهه وارجف كوه طلعت مني الحجايه كتلهه تعالوا حسام ض*بوا ومدمم وماادري بي عايش لو ميت وماادري شحجيت وشمرت التليفون . دقايق واندفرت الباب طب وسام ورقيه بملابس البيت وشمر نفسه على حسام ويفحص بي وراه اجه حازم وكبت العيطه والصياح وخلوا بالسياره وراحوا وانه صوتي مايطلع بس الطم والوب بده النهار يطلع طببتني رقيه جوه وگابلتني . كعدنا جوه ومر الوقت وعرفنه حسام مات والتمن خواته ومرت حازم وعمتي وجنتها اجت واللتموا اقاربهم كلهم وعلى صوت العياط والبجي واللطم وع اثرها التمت الناس وبعد فترة ساعتين طبوا الشرطه للبيت واخذوا ب**ات لكل انحاء البيت وبدا ضابط التحقيق يسالني انتي شتصيرين من الضحيه وسالني اريدج تحجيلي تفاصيل الحادث واني منهارة وابجي واجاوبه بنفس الوقت. بعدها بيوم راحت الاوراق التحقيقيه للقاضي وص*ر عليه امر القاء القبض وطبوا عليه الشرطه واخذوني للسجن وبدا ضابط ـالتحقيق يحقق ويايه واني اجاوب على اسئلته الاستفزازيه ودموعي تكت واخر شي كال راح انسيرج للقاضي ولازم تشوفيلج محامي يدافع عنج يم قاضي التحقيق. بعدهه عرفت وسام وحازم هم الي مقدمين شكوى عليه وهم الي تهموني بس ليش يمسوني بشرفي معقوله صدكوا حجي حسام عليه اي طبعا يصدكوا اخوهم شون مايصدكوا زين هيجي مبين عليه اني مو زينه لو احد شايف عليه شي بقيت كاعده واتذكر ومية سؤال بخاطري اتمنى احد يجاوب عليه معقوله بهالسهوله يشمروني هيج بالسجن بقيت هيجي فتره واني كل شعور سيئ يعتريني واحس نفسي مو شايفه شي واني بهالعالم وحدي هنا عرفت حكمة الله شكد جبيره من مارزقني طفل من حسام جان هسه شون فارگته واكيد ياخذوا مني ويحرموني منه حمدت الله وشكرته رغم الي اني بي . بعدهه كلولي تعالي قابلي المحاميه مالتج شويه صار عندي امل بس معرفت منو وكلهه عليه رحت الها كانت بنيه شابه ومرتبه كعدنا نحجي اني وياهه كالت لتخافين انت بريئه وراح اطلعج منا حتى قبل لتوصل اوراقج لمحكمة الجنايات بس ادعي يكمشون القتله وبما انه الولد الي تاهميج ويا مموجود اصلا بالعراق مسافر صارله مده كتلها لعد ليش اني هنا - كل شي توقعي بالعراق العظيم هه المظلوم بالسجن والمجرم حر طليق - اني اشكرج بس انت منو وكلج عليه ؟ - اني صديقة زمن انت اكيد تعرفيها - اي اكيد. . .. انتهت مقابلتي وياها ورحت لمكاني وكعدت افكر زمن معناهه احمد يعني احمد هو الي وكل المحاميه هذا شناوي يوصل اله بعد مادمر حياتي جاي ينقذني كله منه لو ما هو بده بالمشاكل وي حسام وخله جماعته دوم ع خلاف ويا جان اني ماوصلت الهلمواصيل .. حسبي الله عليه ماراح اسامحه طول عمري لا هو ولا كلمن ظلمني واستغلني وبيوم اجه ابراهيم اخويه الي للسجن وابدال مايهون عليه بصق عليه باول شوفته اليه كتله اني مظلومه وبريئه وماعندي شي تره وماخزيتكم ولا نزلت راسكم روح حاجيهم ليش هيج سوو بيه وتهموني واني بريئه - ولج ماكو دخان بدون نار شايفينه يوصلج للبيت جم مره ونوب عنده عداوه وي حسام وهم متعاركين اكثر من مره واصله مراكز شرطه وتنكرين ياريت تبقين هنا تنعدمين ولاتطلعين حتى ارتاح منج نزلتي راسي بالوحل واذا ماعدموج اني بيدي اكتلج . - اسكت ابراهيم اسكت ولاتجي بعد هنا انت تدري بحال اكو يوم خابرت سألت عني شونج رجلج شونه وياج تدري بحالي شنو مو جيت نافخ روحك عليه اني اختك انت اكثر واحد مفروض توكف ويايه روح بعد لاتجي مااريد منك شي الي الله الي ينصفني اني بريئه وشريفه وطاهره وغصبا عليك وعليهم وحقي راح اخذه من عيونهم سكت ابراهيم بس احس عيونه تطلع منها نار وخلصت المقا**ه ويا .. بالسجن اشكال نسوان بس مجنت اتقرب من وحده ولااخليهم يتقربون مني كرهت كل البشر بعد الصارلي جانت بيه خوفه فضيعه من الي شفته صورة حسام وهو ميت مافاركة خيالي اول مره اشوف شخص ميت حتى ابويه مات بالمستشفى ومشفته هو وميت جابو للبيت بالتابوت . بعدهه اجت المحاميه قابلتهه وهي تضحك كالت عندي الج بشاره - شنو - الولد الي قتلوا الحسام كمش*هم - لعد اني شكو باقيه هنا - اجرائات حبيبتي بس ادعي ميورطوكم انت واحمد وياهم من يعترفون - وليش يورطوونه وياهم نعرفهم يعرفونه - انت لتهتمين لهالموضوع و؛اثبات برائتج عن قريب . - الله كريم مشكوره ع جهودج - هذا واجبي وان شاءالله الف*ج قريب وبالفعل بعدهه تمت اثبات برائتي وامر قاضي التحقيق باطلاق سراحي بين الظلم الظاهر والعدل الخفي خيط رفيع لايراه الا الله بيوم الافراج عني مجنت فرحانه اجيت من خمس سنين البغداد بكل برائه وسمعه نضيفه لاتشوبها شائبه وراح ارجع متهمه وتهمه تخص شرفي حتى وان اثبتت برائتي بس الناس ميهمها راح اصير سالفتي علج بحلوكها .. طلعت وي المحاميه وبگلبي غصه كالت - حمدلله ع سلامتج - الله يسلمج مشكوره مقصرتي رغم طلعت من الحبس الي بقيت بي ايام بس احس مخنوگه لسه تحجي ويايه واني ممنتبهه صعدنا بالسياره كالت اخوج طول هالفتره ع تواصل وياي ويعرف اخبارج كتله اليوم طلعتي وهو جاي بالطريق وانطيته عنوان مكتبي حتى يجيج الهناك .. كتلهه ماشي طول الطريق بالسياره واني اباوع ع الشوارع والناس احس ماعدهم هموم مثلي .. محتاره شون ارجع اندمج بهالحياة وشون الناس راح تفكر بيه افكار تجيبني وتوديني لابل تهزني هز . وصلنه لمكتب المحاميه طبيت وكعدت بي جانت حالتي يرثى الها تعبانه حييل احس كبرت مية سنه بقيت كاعده بالمكتب وهي طلعت كالت فد شويه وارجع .. لشويه الباب انفتحت عبالي اجه ابرهيم وكفت واللتفتت للباب شفته احمد انصدمت وعصبت كلش منه اتمنيت اض*به بلحظتها بس بقيت اباوعله بخزر هو طب بكل هدوء وطبك الباب وراه بقيت واكفه من شفته تقرب رجعت ليوره كتله انت شجايبك هنا وشتريد بعد - حمدلله على سلامتج - ياسلامه هي .. ومشيت تقربت للباب اريد اطلع يريد يلزمني عطت بي دير بالك - بس عندي حجي وياج اهدي خل نحجي شويه - ماابينه حجي وخر يلا وينهه ست رجاء (المحاميه) - شويه وتجي عندي حجي وياج زهراء ولازم تسمعيني اهدي فدوه - ذبيتهه حسره جبيره ورحت كعدت ع الكرسي بصف المكتب اجه كعد كبالي وبدأ يحجي - باعي زهراء اني راح احجيلج من البدايه وحتى تفاصيل مقتل حسام هم احجيلج بس اريد تسمعيني للاخير .. اني قبل لااعرفج او اشوفج جنت متزوج .. يتبع توقعاتكم شنو هي قصة احمد تكدرون تتوقعون ؟ بهذا البارت احب اشكر المحاميه زينب الزبيدي على مساعدتي ??

Free reading for new users

Scan code to download app

App Store Google Play

Facebookexpand_more