Sabik na sabik akong umuwi ng bahay. Hindi maalis-alis ang malapad na ngiti sa aking labi. Gusto kong mag tatalon o kaya ay mag sisigaw sa sobrang saya na aking nararamdaman. Magiging Nanay na ako at isang sanggol na lalaki ang magiging panganay ko. May lalaki na sa pamilya namin dahil pareho kaming babae ni Nanay. Halos takbuhin ko ang loob ng bahay ng bumababa na ako sa Taxi ng aking sinakyan pauwi. Mabuti na lamang at flat shoes ang gamit kong sapatos at hindi ako natapilok. Pagpasok ko ay nabungaran ko na naman na paakyat sa itaas ng hagdan si Senyorito Simon. Nagmadali na naman akong lumakad at hindi alintana ang malaki kong tiyan para siya ay abutan bago makapasok sa kanyang silid.
"Senyorito Simon!" malakas kong pagtawag na may halong galak sa aking boses.
"Nakapagpa-ultrasounds n
