"Ang laki naman ng binagsak ng katawan ni Santino?" puna ni Manang Lorna ng makapasok na siya matapos din ang halos isang linggo niyang pagkakaroon din ng sakit.
"Oonga po, Manang." Malungkot kong tugon. Kapansin-pansin naman talaga ang pagkahulog ng katawan ni Santino. Ang kanyang pisngi ay nawalan ng umbok. Nangangalumata pa rin ang kanyang mga mata sanhi ng ilaw araw na napupuyat kapag inuubo.
"Ganyan talaga kapag malapit na ang kaarawan. Lalo na si Santino na mag celebrate ng kanyang unang birthday," ani Manang.
"Ganun po ba 'yun, Manang?" nagtataka kong tanong sa kanyang sinabi.
"Oo, kahit naman tayong mga matanda na ay nagkakasakit bago o pagkatapos nating mag birthday. Hindi ko alam kung bakit. Ngunit 'yun ang paniniwala ng iba." Paliwanag pa ni Manang habang hinihiwa ang bawang
