Bukod tanging huni lamang ng kulisap sa gabi ang naririnig sa buong katahimikan ng kapaligiran. Malamig din ang simoy ng hangin na waring nanghihikayat na ipikit ko ang aking mga mata at damhin ang paghele niya. Wala ang buwan sa maaliwalas na langit ngunit mayroong di-mabilang na nag kikislapang mga bituin. Sana ay kasing payapa ng gabi ang buhay ko sa kasalukuyan. Sana kung naging malinaw ang isip ko dati ay hindi ganito ang naging buhay namin.
Narito ako ngayon sa terrace ng bahay-kubo kung saan naninirahan ang aking inabandona na asawa at mga anak. Dito sila nakatira gayong kahit ilang mansyon ay kaya ko silang patayuan. Simpleng buhay lang ang mayroon sila ngunit nakikita kong kuntento sila at masaya. Samantalang ang buhay ko ay naging miserable sa mga nagdaang taon na wala sila sa t
