(He’s so warm)
“JU-JUSTICE?” tanong niya kahit sigurado naman siyang ang lalaki iyon ay ang nasa likuran niya. Sa amoy pa lang nito ay kilalang-kilala na niya iyon. “Ba-bakit nandito ka na? Paano ang mga kaibigan mo?”
“Umalis na sila,” anito na labis niyang pinagtakhan. Nakita niyang seryosong nag-uusap ang mga ito nang dumaan siya sa sala at ilang minuto pa lang naman ang nakaraan nang dumapa siya sa ibabaw ng kama.
“Ga-ganoon ba?” Bakit ba ako biglang kinabahan? “Gusto mo na ba munang magpahinga? Siguradong pagod ka pa mula sa mahabang biyahe. Tiningnan niya ang kabuuan nito. Hindi pa rin ito nakapagpalit ng damit.
“Yes, I really wanted to rest ngunit ayaw ako tantanan ng tatlong iyon.”
“Mukhang mababait naman ang mga kaibigan mo.” Kumilos siya upang mapahiga ang lalaki. Hindi pa
