(Strange feeling)
“I-KAW? ANO ANG GINAGAWA mo rito?!” tanong ni Liberty sa kaibigang nakatayo sa kanyang harapan. Siya naman ay nakahiga pa rin sa buhangin at naikuyom ang mga kamay dahil nabitin siya sa eksenang naglalaro sa kanyang isipan kani-kanina lang.
“Hindi ba ako pwedeng pumunta rito, Liberty? Saka ikaw ang una kong tinanong tapos tanong din ang isinagot mo sa akin. Siguro may gusto kang gawin na kababalaghan dito no?” mapanuksong ngumiti si Myron matapos sabihin iyon.
“Anong kababalaghan ang sinasabi mo riyan? Ang advance mo naman mag-isip ha!” aniya kasabay ng pagbaling tingin sa ibang direksiyon. Ang totoo kasi ay hindi niya maaaring aminin na mayroon ngang kababalaghan na tumatakbo sa kanyang imahinasyon na naputol lamang dahil sa pagdating nito. “Gu-gusto ko lang masilaya
