(Something between us)
DAHAN-DAHAN na nagmulat ng mata si Liberty. May kung ano kasing dumadampi sa pisngi niya na hindi niya mawari. Nang tuluyang maibukas ang mga mata ay tumambad sa kanya ang mukha ni Justice na pinapatakan siya ng halik sa palibot ng kanyang mukha. Akala niya noong una ay hindi siya makakatulog sa kakatitig sa gwapo nitong mukha, sa huli pala ay siya pa ang gigisingin nito sa pamamagitan ng magagaan nitong halik.
“Hi, sleeping beauty,” bati nito sa kanya. Pinisil nito ang tungki ng kanyang ilong.
“A-anong oras na?”
“One in the afternoon,” agad nitong sagot. Hindi nawawala ang ngiti nito sa labi.
“Wait!” aniya nang may biglang maalala. “Gutom ka na ba? Ipaghahanda muna kita ng makakain.” Dali-dali siyang bumangon.
“Hey, hindi pa naman ako gutom. Bakit ka nagmamada
