"Iniiwasan mo ako." Malungkot ang tinig ni Alejandro. Dalawang linggo na simula nang iwasan kong sagutin ang mga tawag nito.
Bigla na lang itong sumulpot sa bahay ko, ngayon nga'y nasa loob ng aking silid. Tiyak na si Kimberly Kim ang salarin. Naging abala ako sa mga bagay-bagay, isa si Governor Alejandro Dela Berga sa mga isinantabi ko dahil sa mga ginagawa ko.
"Busy lang." Mahinang sagot ko. Inabutan ako nitong nakahiga sa kama, kaya agad itong humiga at yumakap sa akin.
"Anong pinagkakaabalahan mo? Kahit pagsagot sa mga tawag ko ay hindi mo man lang magawa." Para itong nagtatampo. Hanggat hawak ko sa leeg ito, lamang na lamang ako kay Coleen. Oras na umabot sa kaalaman ng mga Soloren na hindi maayos ang relasyon ni Coleen at Alejandro ay tiyak na mangangamba sila. Idagdag pang may ka
