"NANAY?"
Napatigil si Victoria sa paghahanda ng mesa nang marinig niya ang boses na iyon ng anak na si Callum.
Nang lumingon siya sa kanyang likod ay nakita niyang kinukusot nito ang mga mata. Pipikt pa nga ang mga mata nito.
"Oh, tingnan mo ang nilalakaran mo, Cal. Baka mauntog ka," wika naman niya sa anak.
Sa pagkakataong iyon ay nagmulat ito ng mga mata. Ibinaba din nito ang kamay na ginagamit nito sa pagkusot sa mata nito. At saka ito nagpatuloy sa paglalakad para lapitan siya.
Ibinaba naman ni Victoria ang hawak nang makita ang pagtaas ng dalawa nitong kamay sa kanya, mukhang gusto nitong magpakarga.
Agad namang pumulupot ang dalawang kamay nito sa leeg niya.
"Bakit hanap mo si Nanay, Cal?" tanong niya sa anak.
Ngumuso naman ito. "Akala ko, Nanay. Alis ka na naman," sago
