"Wala na tayong kailangang pag-usapan pa, Nathan." maagap kong saad nang makabawi mula sa pagkatulala sa kanyang mga mata. "I already told you, mas mabuti nang maghiwalay tayo kaysa ako pa ang sumira sa buhay mo."
Sinubukan kong basahin ang ekspresyon sa kanyang mukha ngunit nanatiling blangko ito habang nakapako ang tingin sa akin. Nang pumitik ang berdeng ilaw ng traffic light, binalik niya ang atensyon sa pagpapatakbo ng sasakyan imbes na ibuka ang kanyang mga labi para sagutin ako.
Nakailang buntong-hininga pa ako bago ko narinig ang mahina niyang pagtikhim. Kasabay ng paglingon ko sa kanya ang dahan-dahan na pagparada ng kotse sa gilid ng kalsada. Pinatay niya muna ang makina at ipinatong ang magkabilang kamay sa ibabaw ng manibela bago bumaling sa akin.
His eyes softened as he be
