"It's okay." Mahinang bulong ni Nathan sa'kin habang papalapit kami sa lamesa kung saan nakaupo sina Mrs. Alvarez at Helena. Malamang ay napansin niya ang panlalamig ng aking kamay nang alalayan niya 'ko pababa ng sasakyan kanina.
Walang salitang namutawi sa bibig ko at tanging isang tango na lamang ang aking naitugon. Bago ko pa mapagtanto, nakatayo na kami sa harapan nila. Sinalubong kami ng isang malambing na ngiti ng ginang, habang si Helena naman ay nakatungo lamang sa lamesa at tila binalewala ang aming pagdating.
"Hi, hijo." Malumanay na bati nito sabay akap kay Nathan. Matapos noon ay luminga ito sa akin at hinawakan ang magkabila kong mga kamay.
"Salamat at nakapunta ka, DJ Black."
Hindi ko alam ang dapat sabihin o kung may karapatan ba akong magsalita sa s
