The Angel's of the Demon

Chapter 8

Pakanta kanta si Shannon habang kipkip ang tuwalyang tanging takip ng kanyang kahubaran. Galing sya sa banyo at katatapos lang nyang maligo. Ang banyo kasi nila ay nasa bandang kusina pa.

"Ehemm.."

"Ayyy demonyo ka ng taon!!" Gulat nyang sigaw ng may tumikhim at nabungaran nya ang demonyo--este, tao pala na nasa maliit nilang salas at kampating nakaupo. Hindi nya makita ang imosyon nito sa mukha dahil natatakpan na naman iyon ng maskara. Parang lalong sumikip ang salas nila dahil sa laki nitong tao.

"A-anong ginagawa mo dito?" Nahintakotan nyang tanong. Mag-isa lang kasi sya ngayon sa apartment dahil umuwi si Marinel kaninang umaga at bukas pa ng hapon ang balik nito.

"I came to see you." Anito, at ang walang hiya ay hindi man lang nag iwas ng tingin. Ramdam na ramdam nya ang maiinit nitong mata sa kanya.

Pilit nyang pinapatapang ang sarili. "At bakit?" Tinaasan nya ito ng kilay.

Tumayo ito at naglakad papalapit sa kanya kaya napapaatras din sya.

Dug. Dug. Dug.

Ang lakas ng kabog ng kanyang dibdib.

Tumigil sya ng bumangga ang pwet nya sa gilid ng kanilang pandalawahang mesa. "B-bakit ka l-lumalapit?" Kanda utal utal nyang tanong habang naghahabulan ang t***k ng kanyang puso. Bahagyan syang nakatingala sa mukha nito dahil ang tangkad nito.

"I want to sleep with you." Anas nito.

What? Ano daw? "Nababaliw kana ba?!" Bulalas nya at nagtangka itong itulak pero para lang syang nagtulak ng pader.

"Yeah.. crazy over you." Napaliyad pa sya ng tinungkod nito ang dalawang kamay sa mesa habang titig na titig sa kanyang nanlalaking mata.

Mas lalo syang kinabahan pero hindi naman sa takot. Hindi nya alam kung bakit hindi nya magawang matakot dito. Iyon bang-- pakiramdam na papatayin sya kagaya ng naramdaman nya noon sa mga alepores nito.

Oo natakot sya ng una dahil ang alam nya ay literal na sugo ito ng demonyo dahil sa itsura nito. Pero bukod doon ay wala na.

Nakahinga sya ng maluwag ng lumayo ito sa kanya pero naglakad naman ito patungon sa pagitan ng dalawang kwarto at saka uli bumaling sa kanya. "Show me your room."

Nanlaki uli ang kanyang mata. "Baliw kana nga. Pwede bang umalis ka--"

"Will you show to me or will I remove the towel wrapped around your body?" Seryoso ang boses nitong tanong.

Nahintakotan sya kaya mas hinigpitan nya ang pagkakahawak sa towel. "S-sisigaw ako pag may ginawa kang hindi maganda." Gusto nyang panginigan ng tuhod.

"Come on lady, pagod ako at gusto ko ng matulog." Nababagot pa na sabi nito.

Inirapan nya ito. "Pagod ka pala bakit hindi nalang-- ayyy bitawan mo ako. Ano bang ginagawa mo?" Tili nya ng iniilang hakbang lang sya nito at binuhat. Pinagsusuntok nya ito sa dibdib pero bigla lang din syang napakapit sa leeg nito dahil alam nya ay iiitsa sya pabagsak.

"Now where is your f*****g room." Matigas nito tanong.

Nangingiyak na sya sa sobrang inis. "Sa kaliwa." Sagot nalang sya.

"Open the damn door." Utos nito dahil hindi nito mapihit ang door knob dahil karga karga sya. Hindi sya sumunod at lalo lang syang napanguso.

"Stop your stubbornness lady. Hindi mo magugustohan ang gagawin ko pag nagalit ako." Seryoso pang yumuko ito para magtama ang kanilang mata.

Napalabi sya. Gusto na tuloy nyang mapabulalas ng iyak dahil sa sobrang inis. "Ito na!" Bulalas nya saka iniiwas ang mata dito. Padarag nyang pihit ang door knob. Sinipa naman nito iyon para lumuwag ang pagkakabukas at sinipa din pasara. Parang mawawasak iyon dahil sa lakas ng pagkakasipa nito.

"Dahan dahan naman baka mabutas ang pintuan namin." Reklamo nya.

"I don't f*****g care about your damn rotten door." Anito saka sya basta nalang ibininaba kaya gumiwang pa sya kaya napahawak sya sa braso nito pero parang napapaso uli syang bumitaw.

"Hoy kahit bulok yan may pakinabang!" Gigil nyang sabi dito. Kulang nalang ay sapokin nya.

"Tsk... Will you f*****g shut up your mouth for a while." Parang ito pa ang may ganang marindi.

"take your clothes and get dressed." Anito na dinampot ang kanyang damit na nakalatag sa maliit na kama.

Padarag nya iyong kinuha sa kamay nito.

"Tsss... wala ka man lang pambili ng bagong panty at nagtitiis ka sa lalaw na iyan?" Sabi nito habang nag aalis ang coat.

"Abat! Hoy!" Halos namula yata hanggang talampakan nya. "Dapat ba e pang victoria's secret pa ang panty ko e matutulog lang naman ako!" Aaminin naman nyang lawlaw iyon pero kailangan paba talaga nito iyong ipagsigawan sa mukha nya. Eh doon sya kumportable pag matutulog sya e. Maging kumportable man lang ang chepepay nya kahit sa gabi lang. Kung bakit kasi hindi nya tinupi iyong kanina. Latag na latag at nasa pinakaibabaw pa talaga.

"Where do you think you're going?" Anito na hinarangan sya sa may pintuan ng akma syang lalabas.

Inis nya itong tinaasan ng kilay. Tanga ba sya? "Magbibihis na ano pa nga ba?"

"Do it here." Utos nito sa kanya.

"Neve---"

"Don't worry hindi ako titingin. Basta dito kana magbihis dahil baka hindi kana bumalik dito." Putol nito sa kanyang sasabihin saka ipinagpatuloy ang pag aalis ng butones ng longsleeve nito.

Nagpapadyak na sya ng paa. "Hindi ako magbibihis dito ng kasama ka." Bulalas nya.

Napapagod itong tumingin uli sa kanya. Inalis nito ang maskara habang nakatitig parin sa kanya mukha.

Kung noong una ay natakot sya ngayon ay iba ang naramdaman nya dahil siguro nakita nya ang pagod sa mukha nito.

"Please... wala akong gagawing masama sayo. Gusto ko lang talaga ng kasama ngayon." Ito na siguro ang mukhang demonyo na nakakaawa.

"Bakit ako?" Tanong nya na hindi mapigilan na titigan ito sa mata.

"Wala ka talagang balak magbihis?" Anito na gumuhit ang pigil na ngiti sa labi.

Bumalik ang Inis nya. itinulak nya ito. "Tsk. Talikod!" Nanggigigil nyang sabi. Maliit lang ang kwarto nya at wala syang ibang mapagtatagoan.

Napasimangot sya. Bakit pa kasi ng krus ang landas nila ng demonyong ito!

Nakatalikod ito sa kanyan habang hinuhubad din nito ang puting longs sleeve. Hindi na talaga ito umalis sa tapat ng pintuan.

Minadali nyang ding magbihis hangga't nakatalikod ito.

"Huwag kang lilingon." Aniya na nangalkal uli sa dura box dahil wala syang bra. Malay ba nyang iaambush sya ngayon.

"Take your time lady." Anito na matiyaga ngang nakatalikod.

Habang nagsusuot sya ng bra at damit ay nakatitig sya sa malapad nitong likod. Tanging ang puting sando nalang nito ang suot kaya lumitaw na naman braso nito na parang ginapangan ng apoy. Kalahati ng braso nitong isa ay ganon ang itsura pero iyong isa ay makinis.

Parang sumakit ang puso nya dahil sa mga iyon.

Noong unang pagkikita nila--- noong nahimasmasan pala sya. Noong natitigan nya ang mukha nito ay ang Inang Grasya nya ang agad nyang naisip. Dahil siguro namatay ang kanyang ina dahil sa sunog. Hindi nya alam kung sa sunog din nito nakuha ang mga iyon pero sa nakikita nya ay parang naawa sya. Kaya siguro hindi nya magawang magalit dito.

"Are you done?" Naiinip na tanong nito sa kanya.

"A.. a oo." Taranta syang ibinaling ang tingin.

"Then, let's sleep." Anito na sumampa na sa kanyang kama.

Pinapanood nya ito habang inaayos ang unan. Parang kaya nitong sakupin ang kama nya.

Naglabas sya ng makapal na blanket at inilatag iyon sa sahig.

"What are you doing?" Kahit kulubot ang mukha nito ay kita parin nya ang pagkunot noo nito.

"Naglalatag." Aniya.

"Alam ko pero bakit?" Nahimigan nya ang inis sa boses nito.

"Dito ako matutulog." Pinagpatuloy nya ang ginagawa.

Napabuga ito ng hangin at numipis ang ang mapupula nitong labi. "will you join me here voluntarily or will I still have to lift you up to put you here in bed."

Ito na naman sya. "Can you stop commanding me!" Tinumbasan nya ang talim ng tingin nito.

"Then learn to obey lady."

Lalo syang nagngingit. "Why should I? I don't know you! I don't even know your name for god sake." Nangingilid na ang luha nya dahil sa sobrang frustration.

"So do I lady. Pero isa lang ang alam ko, I want to be with you and you can do nothing about it. Now come here." Mapang utos parin talaga ng boses nito.

Padabog syang umupo sa gilid ng kanyang kama.

Ilang buga ng hangin ang ginawa nya para Kalmahin ang sarili."Huwag mo akong gagapangin." Banta nya kahit nangingilid ang kanyang luha.

"Kahit ganito ang itsura ko ay hindi ako namimilit ng babae, sweetie. Sila ang gumagapang at nagmamakaawa para matikman lang nila ko." Wika nito saka na humiga.

Mayabang! Hambog! Pero sinarili lang nya. Panay ang irap nya at simangot at manakanaka na bumubulong.

Sinindihan muna nya ang wallfan bago bumalik uli sa gilid ng kama.

"Tsk.." palatak nito habang nakatingin sa wallfan nyang medyo maingay dahil kaaandar palang.

"Isang pangmamata mo pa sa mga gamit ko at palalayasin na talaga kita." Talim nya itong tinignan.

Nakita nya ang pigil itong natawa. "Wala akong sinabi sweetie. Come on, mahiga kana. Inaantok na talaga ako. Hindi ako makakatulog nito kung maingay ka dyan. Ang ingay na nga ng wallfan mo, maingay kapa." Bubulong bulong pero dinig na dinig naman nya.

"Di umalis ka kung naiingayan-- Ayyy!!!" Napatili sya ng hilahin sya nito pahiga kaya napaunan sya sa braso nito. Akma syang aalis pero nilingkis na sya ng matitigas nitong braso at mahahaba nitong binti. Nanghihina na sya pero hindi parin sya makawala.

"That's better." Anito ng tumigil sya sa kapapasag.

Ilang saglit lang ay nakapikit na ito at payapa na ang mukha. Nagkaroon sya ng pagkakataon para pag aralan ang mukha nito hanggang sa unti unti na din syang iginupo ng antok.