Chapter 11
Zyair’s POV
“Puwede ba tayong sabay pumasok bukas?” tanong sa akin ni Nikki. Malamlam ang mga mata.
Narito kami ngayon sa balkonahe ng second floor ng bahay nila. Kahahatid sa akin ni Reka sa labas ng Boys’ Dormitory nang tumawag ang Mommy niya sa akin at ipinaalam na hindi raw makahinga si Nikki. Inaatake raw ito ng asthma at madalas ay ako ang hinahanap.
Agad ako siyang pinuntahan. Nang makarating ako’y nakainom na siya ng gamot at medyo kumalma na.
“Oo naman. Ano ang oras mo ba gustong sunduin kita?”
“Ikaw kung ano,” sagot naman niya. Isang pilit na ngiti ang ginawa niya.
“Ano ba kasi ang dahilan nang laging pag-atake ng asthma mo, baby?” nag-aalala kong tanong. “Ngayon ka lang ulit nagkaganiya... May problema ka ba?”
“You know I love cats.” Natawa siya at nag-iwas ng
