Naging sunod-sunod na ang paglunok ko no'ng sandaling makita ko kung paano igala ni Toby ang paningin nito sa paligid habang hawak ang puting envelope.
Tila hinahanap nito ang kung sino mang nag-iwan ng envelope sa kotse niya. May mangilan-ilan na ring tao ang lumalabas ngayon mula sa loob ng restaurant, subalit nagdadalawang-isip itong tanungin ang mga ito.
"Love? What's wrong?" lakas-loob kong tanong sa kaniya, no'ng sandaling lapitan ko siya.
"May nag-iwan kasi nito rito eh," kaagad niyang tugon sa akin, na siyang ikinalunok ko.
Ilang segundo pa ay nagdesisyon na rin siyang buksan ang envelope at tignan ang nasa loob nito. Nakita kong kinuha niya mula sa loob ang isang papel na nakatupi sa apat, ang papel na iyon ay naglalaman ng sulat ko sa kaniya.
Nakalagay roon ang address ng
