Mabilis lang na dumaan ang gabi at madali lang ding sumapit ang umaga, para bang pumikit lang ako sandali at pagmulat ng mga mata ko ay umaga na. Napabalikwas na ako ng bangon at nag-stretch ng mga braso ko, sa tingin ko ay hindi naman ako maagang nagising ngayon dahil nakikita ko na ang sikat ng araw mula roon sa bintana nitong kwarto.
Ilang sandali pa ay wala sa oras na hinanap ko ang kinalalagyan ng cellphone ko dahil sa ingay ng phone call ringtone nito. No'ng makita ko na ito sa ibabaw ng nightstand table ay mabilis ko na rin itong kinuha at pagkatapos ay kaagad ko na ring tinignan kung sino ang tumatawag. Hindi ko naiwasan ang bahagyang mapakunot ng noo dahil bumungad lang sa screen ang numerong hindi naman naka-save sa contact ko.
Gano'n pa man ay pinili ko pa ring sagutin ang ta
