Hindi ko maiwasan ang balingan ng pansin ang mga taong kasalukuyan na ngayong pumapasok dito sa loob ng canteen na siyang kinaroroonan namin ngayon. Ngunit ilang saglit lang ay nagsawa na rin ako sa kakapansin sa kanila lalo na't sunod-sunod nang nagsisidatingan ang iba pang mga customer nitong canteen.
"Heto na ho 'yung mainit na sabaw," narinig kong sabi sa amin ng isang ale na siyang nagbigay rin ng order naming pagkain kanina.
"Salamat ho," tipid kong sagot sa kaniya, bago nito kami tuluyang iwanan para asikasuhin naman ang iba pang customer.
"Kumain ka lang," mahinahon kong sabi sa babaeng kaharap ko ngayon habang inilalapit ko sa kaniya ang isang mangkok ng mainit na sabaw.
"S-salamat," mabilis niya namang tugon sa akin sa kalagitnaan ng kaniyang pagkain. Hindi ko mapigil ang pa
