Mahigpit ang pagkakahawak ng mga kamay ko rito sa isang pistol habang inihahanda ko ang sarili sa napipintong pagkalabit ng daliri ko sa gatilyo. Halos maningkit ang mga mata ko habang mariing pinagmamasdan ngayon ang shooting target kung saan nakadikit ang mga mukha at litrato ng dalawang pamilya na siyang kasapi ng aming organisasyon.
"Sino sa inyo ang pumatay sa mga magulang ko?"
"Kayo ba ang pumatay?!" Sa isang segundo lamang ay kaagad nang bumulusok sa hangin ang bala nitong baril sa litrato ng pamilya Dela Merced.
"O hindi naman kaya ay ang pamilya niyo?!" Mariin kong sambit bago ko tuluyang pakawalan ang sunod-sunod na putok upang tadtarin ng bala ang litrato ng pamilya Scaletta.
"Ahhh!!! Sino sa dalawang pamilya na ito ang nagtraydor sa mga magulang ko?!" Nangangalit ang maha
