Eight
Hindi ako mapakali. Palakad-lakad ako sa sala ng aking bahay. Inihatid ako ni Shade rito dahil may mga meetings daw ito na aabutin hanggang tanghali. Saka ito babalik dito sa bahay ko para sunduin. Mukhang sinadya talaga nitong iiwan ang mga bagong bodyguards dahil alam nitong dadating si Shaun.
"Ma'am, kumain po muna kayo!" sabi ng kasambahay na isa sa mga stay-in dito sa bahay ko.
"Ah! Later na lang, ate. Hindi pa po ako nagugutom." At kahit pa magutom ako, feeling ko hindi ko rin magagawang kumain.
"Bilin po ni Sir na pakainin kayo!" hirit ng kasambahay.
"Ate, kaya ko ang sarili ko. Sabihin mo sa boss mo tumigil-tigil s'ya sa pagiging control freak n'ya!" hindi ko naman gustong magsungit kaso dahil sa tension ay nailabas ko sa mga kasambahay ang frustration ko. Bwisit kasi
