RUFFA:
PALAKAD-LAKAD ako habang hinihintay lumabas ang resulta ng pregnancy test na ginamit ko. Mabuti na lang at may nautusan akong katulong dito sa mansion na pinabili ko ng pregnancy test sa labas.
Kabado ako at excited kahit malakas ang kutob kong buntis na nga ako. Sa dami ng nangyari sa akin ay nakaliktaan ko na ang mga araw. Nawala sa isipan ko ang posibilidad na mabuntis ako ni Daven dahil wala naman kaming ginagamit na protection.
Napalapat ako ng labi na ilang beses huminga ng malalim. Nang makalma ko na ang sarili ay unti-unti kong binuksan ang nakakuyom kong palad. Parang lulukso palabas ng ribcage ko ang puso ko na makita ang resulta ng pregnancy test ko!
"Dalawang linya," usal ko na tumulo ang butil-butil kong luha.
"Buntis ako. Buntis nga ako," usal ko.
Halo-halong
