Kinagabihan, pagkatapos ng hapunan ay ako na ang nagpasyang magtungo sa kuwarto nila Daddy. Na-realize ko kasi na mali ang pagsagot ko sa kanila ni Mommy noong isang gabi. Dahan-dahan akong kumatok at sa pagbukas ng pinto ay bumungad sa akin si Daddy. Agad kong natanaw si Mommy na mahimbing nang natutulog sa kama. "Matutulog na po yata kayo, di.. bukas na lang po," sabi ko pero hinawakan ako ni Daddy sa may braso na naging dahilan para matigilan ako.
"Sandali, ramdam kong may sasabihin ka." Napatango ako at saka niya isinara ang pinto ng kuwarto upang sabayan ako sa paglabas. Nagtungo kami ni Dad sa may salas. Hindi ko alam kung paano ako magsisimula kaya ilang segundo rin ang lumipas bago ko pa man marinig muli ang boses niya, "Damzel, my princess, ano ang sasabihin mo?"
Parang umuurong
