(AUBREY'S POV)
"Talaga, Manang Celia? Nandito na ulit sa Pilipinas si Ma'am Mia?"
"Shh! Sinabi ko na, 'di ba? Tsaka 'wag kayong masyadong maingay dahil baka marinig tayo ni Ma'am Aubrey."
"Tulog pa 'yon si Ma'am Aubrey, Manang. Siguradong pinagod na naman 'yon ni Sir Brendon kagabi."
Natigilan ako sa paghakbang dahil sa narinig kong pag-uusap ng mga kasambahay sa kusina.
Medyo masama ang gising ko dahil may kakaiba akong nararamdaman sa katawan ko kaya mas maaga sa normal na oras akong bumangon at bumaba. Balak ko ay magpapaluto ako ng almusal na may sabaw dahil gusto kong mainitan ang sikmura ko. Pero mukhang nagsisikain yata doon ang mga katulong at ang iba ang may kalakasan ang boses na nagdadaldal.
Pinili ko munang manatili sa labas ng kusina para hindi nila ako makita. Na-curiou
