(THIRD PERSON POV)
"Ughh!" daing ni Luciano matapos ang isa na namang malakas na suntok sa sikmura na natanggap niya mula kay Gaspar.
Naroroon na naman sila sa hideout ng grupo nina Gaspar at pinapunta roon si Luciano para hingan ng update tungkol sa plano nilang pangingikil ng pera kay Brendon Alcosta o ang pagbawi kay Aubrey. Pero dahil sa ibinalita ni Luciano na wala pa ring progreso sa plano nila ay nakatikim na naman siya ng pananakit mula kay Gaspar kagaya na lang dati.
"Dalawang buwan na pero wala ka pa ring nakukuha ni isang kusing sa manugang mong bilyonaryo?! Marami na kaming nasayang na oras at pera sa pagtulong sa'yo. Paano ka ngayon makakabawi sa amin? Ang bagal-bagal mong magtrabaho!" singhal ni Gaspar kay Luciano at muli na naman itong sinuntok sa tiyan na dahilan nang pa
