- DM -
Kinurap-kurap ko muna ang aking mga mata bago ko tinuon ang aking atensiyon kay Sir Rint na bigla ay naging kaakit-akit sa aking paningin. Wow! Lumalalim yata ang mga tagalog words ko ah. Paanong hindi magiging kaakit-akit eh parang inaakit naman talaga ako ni boss sa paraan ng pagtitig niya. Natulala na nga yata ako ng tuluyan dahil nabuhos ang atensiyon ko sa mapupungay niyang mata.
Pero bago ako malunod sa mapang-akit niyang mga mata, bakit ba nakadagan pa rin ako hanggang ngayon sa ibabaw niya?
"Do you want... to kiss me?"
"A-Ano?" naguguluhan kong tanong.
"Gusto mo akong halikan." Teka. Anong pinagsasabi ni Sir Rint? Talaga bang matindi kung malasing ito?
Ngayon ko lang nalaman na ganito pala siya malasing. Mahina katagayan ang isang ito. Iyong mga kasama niya kanina ay
