Kanina pa ako hindi mapakali dito sa tindahan at hinihintay ang pagdating ni Jennifer. Halos mapudpod na ang aking mga kuko sa daliri dahil sa maya't maya kong pagkagat dito.
Si Jennifer pa mismo ang nagtaboy sa akin na lumabas ng opisina ni Charles dahil importante daw ang sasabihin niya.
"Ano ba't para kang hindi mapaanak d'ya--"
"Ay matandang kwago! S-sorry po, aling Tess. N-nagulat lang po ako," paghingi ko kaagad ng paumanhing habang nakahawak ako sa aking dibdib dahil nakita kong nagulat din si aling Tess sa aking pagsigaw.
"Ano bang nangyayari sa 'yo? Pansin ko na masyadong kang magugulatin. Tigilan mo ang kaiinom ng kape, jusko kang bata ka." Napakamot sa ulo si aling Tess at pinagbentahan ang isang customer na bumubili ng tocino.
"Bihira lang naman po akong magkape dahil wala
