Isang malaking kweba ang nakita namin sa pinakadulo ng gubat na napuntahan namin. Pumasok kami sa loob. Madalim doon kaya naging ilaw namin ang mga apoy ni Adara. Nakakamangha lang dahil pati buhok niya ay umiilaw kaya't malinaw na naming nakikita ang buong paligid. Kakaba-kaba kami dahil baka mamaya nito ay may kung anong halimaw na biglang bumulaga sa amin. Dahil dun ay dahan-dahan kaming naglalakad sa loob nito.
"Ang baho!" reklamo ni Ada. Amoy dumi kasi ng mga paniki sa loob ng kweba. Nakakasulasok sa ilong kaya ginawan kami ni Clement ng mga dahon na may mabangong amoy na ginawa naming face mask. Dahil dun ay amoy mint na ang naamoy namin. Tunog ng simoy ng hangin at mga huni ng paniki ang mga nadidinig namin doon. Kahit isa sa amin ay walang nagsasalita. Kabado pare-pareho dahil sa
