HINDI NA NAMALAYAN ni Gianna ang oras dahil nalilibang sya sa kwentuhan na may kasamang kantahan kasama sina Arisia at mga kaibigan nya. Tatlong bote na ang walang laman sa ibabaw ng lamesita. Hindi na rin nya makita dahil nahihilo na sya. Nakamata sya sa mga kasama. Si Candy ay panay pa rin ang kanta. Kahit hindi nakainom, tila baliw na rin itong paminsan-minsan pang sumasayaw.
"Ayoko na! Inaantok na ako!" ani Candy na nag-inat pa. Patayin ko na ba ito?" Ang videoke ang tinutukoy. "Tulog na rin iyang tatlo." Nginuso pa nito ang mga kaibigan nila.
"Sige. Matulog ka na. Ako na bahala rito," aniya.
"Okay." Lumingon ito kay Arisia habang ino-off ang videoke. "Cous, pahinga na ako, ah! Kung di mo na kaya mag-drive, dito ka na lang matulog," anito bago ngumisi. "Doon ka sa kwarto ni Gianna.
