Ilang oras nang nakatambay si Damon sa tapat ng pintuan ng bahay ng mga kaibigan ni Ariadne. Hinihintay na lumabas ito. Ilang araw na ba siyang ganoon? Hindi niya na matandaan. Ilang araw na rin siyang hindi pumapasok sa opisina niya at naiintindihan naman ni Pierre kaya ito na muna ang umaasikaso sa mga naiwan niyang trabaho. He was just too lost and too distracted to work now, even to focus on his daily life. Bumalik ang dating lamig ng mundo niya nang umalis ito. Nawala ang mga kulay sa paligid niya. Para na naman siyang namatay sa ikalawang pagkakataon ngunit ngayon ay hindi niya na ito hahayaan pa na mawala. Hindi na ulit.
Kaagad siyang napatayo nang bumukas ang pinto sa tabi niya. Iniluwa niyon ang dalaga. Sandali siya nitong tinapunan ng tingin bago hinila ang dala nitong bag.
"
