#محبوبتي_نور

الفصل الثالث

#6حبوبتي_نور❤

بقلم :

#fulla_Ali

خطة تخريب نور الغرفة حقت رباب العملتها آتت آكلها وثمارها..لأنو رباب المحظوظة قالت لي منذر تاني يوم : ي منذر ..لو م محتاج للتربيزه نحن عاوزنها..لأنو القراية برة احسن من جوة بكتييير

طبعآ منذر بحب تربيزتو اكتر من حبي للأقاشي ..لأنها جمب القابس حق الكهرباء..وهو بطاريتو ماسورة زيو كده عشان كده اكتر شي بقعد ف التربيزه

منذر هاج وعاوز يتكلم بس انا عفصتو بالشحاطة حقتي وضغطة ع اسناني وانا بقول :شيليها...فداك ي ربابتي

رباب ابتسمت ابتسامة حمراء ذهبي لونها وقالت بعفوية : شكرآ ..وجري طلعت

منذر حممممر لي طوالي

قومتة من جمبو وقلت ليهو حممر لي بطاطس معاك عليك الله

غايتو انا متأكد انو شماني شم الجن !

يلا الخطه الاولي نفذت بضم النون وسكون الفاء

فاضل الخطه التانيه

????

يوم الخميس والجمعه نور م جات...ورباب زاتها م مشت عليها

كنت عاوز استفسر بس خوفته رباب تحس وتخرب لي اي حاجه

انتو عارفين البنات بليلة ف خشمهم م بتتبلا ...انا متأكد هي طوالي حتجري تكلم نور اني بسأل عنها وكده..واحتمال الآخيرة ترفع السعر وتتعبني معاها ع الآخر

عشان كده انا راسم خطتي بي انو الآمور تكون بالتدريج وكده..

يوم السبت رباب مشت...عرفته انو بكونو عاملين استثناء لأيام الجمعه والخميس لانهم عطلات وكده وما تسألوني عرفته كيف....لكن استغربته ليشنو رباب ما زارت صحبتها حتي ولو زيارة ساي من غير المذاكرة !!!!؟ الله اعلم

????

كنت بتوضآ ف الوضايه..الجمب الباب فجآة اتفتح وسمعته ضحكات...عاينته لقيتهم رباب المحظوظة ونورو..

رباب : ادخلي مسافة اجيب ليك الكتاب

نور : لالا الزمن فات ..بستناك هنا م تتأخري

رباب جرت علي غرفتها ...

حصلت لحظة صمممت...وبس كانت ظاهرة صوت قطرات ألموية النازلة بأندفاع من الحنفيه...حبيت القطرات لأنها اخفت صوت ضربات قلبي العاليه

رباب غابت دقايق بس انا حسيتهم سنه..

كنت بماطل ف الوضوء عشان استرق النظر ليها .غايتو ربنا يقبل الصلاه ...يلا في نص لحظة الصمت فآجاتني بي مبادرتها و قالت لي : كيفك ؟؟؟

قلت ليها : كيفك يا منو ؟؟

قالت لي م فهمتك..

قلت ليها بأبتسامه بلهاء زي الببتسموها للشفع د*ك : اسمي منو طيب

سكتتت مسسسسافه وقالت لي بهدوء : بس انا م بعرف اسمك

طبعآ صدمه وقصف جبهة ما عادي...قلبي وجعني آآه ي قلبي..معققققوله !! ما بتعرف اسسسمي !"!

قلت ليها وانا غضبان : م حنك..انا تمام..وقومتة دخلته الصالون وخليتها حاسه بالذنب

لانو وقت رباب جاتها قامت قالت ليها : انتي ود خالك داك اسمو منو ؟؟

رباب : ود خالي !!! دا ياتو كمان

قالت ليها الود الأسي كان بتوضا دا

ردت بعد قهقهت تماام : الحاله هو بعرف اسمك وبعرف بيتكم بي وين وانتي اسمو منو م عارفاهو !! هععععع دا محمد ود خالتو سحر

نور : اممممم طيب...يلا انا ماشه قبل ما اكونكو يزفتها معاي ..انتي عارفه انو عندو ضمير بس ضميرو ازفت من ضمير ابو لهب

رباب : اي والله..بس زي ناس ابو جهل ..ربنا يحميك منو ي نور..اكونكو دا الله لا **بو نلقاها منو وله من things fall apart!

نور : ههههه ضحكتيني وم كنت عاوزه اضحك..الحمد لله بس ي ربابتي ..يلا نتلاقي بكرة الصبح..

????

صحيت الصباح وكالعاده علي صوت امي سحورتي : يا محمد ! ي محمد قوم عليك الله !!

وووب علي ربنا يصبرني انا سحر دي !

فتحته عين واحده وشوفتها تولول قلت ليها عيون محمد ..روح محمد..حب قلب محمد..انتي تآمري ..عاوزه شنو ي قلبي انتي

سحر : بطل قلة ادبك دي وقوم..طالعين نحن

قلت ليها ع ويييين كمان !!!

قالت لي قوم قدمني الصالحه ..ماشين انا وابوك ..عندي صحبتي عاوزه ازورها

غايتو قومتة علي مضض

اكتر حاجه بنكرهها نحن الشباب هي الزيارات دي..عاينو م تفهموني غلط ! قصدي الزيارات الما بنعرف فيها زول..يعني اسي مثلآ انا صحبة امي دي دخلي بيها شنو مثلآ ؟؟؟ بس فهموني !!

جهزته نفسي وطلعنا بعد الفطور..

مشينا انا وامي والحاج

قال لي : شنو بقيت غالي كده !!

حبوبتك قالت لي نهائي ما زرتها !

قلت ليهو وانا محرج للغايه: والله ي حاج الجري بس شديد وكده

قال لي : اي ...اااي ي الشيخ زايد بن راشد ..اي ي حسبو...ااي ي علي عثمان...ااي ي نافع ع نافع..ما انت مقضيها لي اجتماعات وكده

سكته ساااي عاد اقول شنو ..اما امي بدت تضحك ضحك المجامله العوير داك : ههه حيمش ليهم ويبيت معاهم كمان..وضغطت ع اسنانها وهي بتقول :موش كده ي محمد!

قلت ليها : علم

بضم العييين

???

في جانب آخر..وزي حوالي الساعه 3:34 مساء

منصور جا داخل البيت وهو عيونو حمممممراااء زي الشششطة وكان بنادي بصوتو الخشن الزي شوال الخيش:

اومي ! اووممي !!

نور جاتو جاريه : امك طلعت ي منصور ...

حمممر ليها مسسسسافه ...وطاخ لطشها كف !

وقال : طيري من قدامي !

وفعلآ طارت من الكف ..و وقعت ف الأرض وبس كانت بتبكي بدون صوت ....منصور كان شاب عشريني ..بس شكلو بيوحي بي انو اكبر من كده..يلا بتعرفو (كين) اخو اندرتيكر المصارع؟؟؟ باااااس..يلا منصور دا زيو..ونهائي م بتفاهم..اخلاقو اضيق من قميص هيفاء وهبي وبس بستخدم يدو ..ومتخلف وما بحب الحقارة

وبما انو سوداني الناس سامينو اكونكو ..

**سرة : اكونكو ليف ان اسمول فيلج كولد.....

اكملوها في التعليقات هههععععع احمممم

#صلو_علي_محمد

جينا المساء كده من بيت صحبة امي..جسمي كلو واجعني وكلو من فيصل ولدها..ولد عمرو 5سنه كده معاط خلاص..كرهني في تلفوني وكل دقيقة بقلعو مني ويجري... عشان كده ..مشيت نومممممممته..واصلآ نور بقت ما شاغله بالي زي الآول..ودا كلو لانها قالت م بتعرف اسمي ..

**???

بي جاي رباب عاينت لي نور في وشها وشهقت : دا شنو !

نور : انضربت بي باب الحمام

رباب : منصور زفت الطين ! حيسافر متين هو !

نور : م تشتغلي بيهو وارح نقرا :السويقه الجنينيه السفلي بتستطيل اكتر من السويقه الجنينيه العليا ودا في النباتات ذات الفلقتين اما النباتات ذات الفلقه الواحده ال....

في اثناء ما نورو بتقرا او ممكن نقول انها بتحاول تقرا رباب شردت ..وبس عيونها رقرقو وكانت متآالمه عشان صحبتها ..نورو كانت بتقرا وهي بتدس دموعها ورا سطور كتاب الأحياء ..وانا متاكد لو في زول سألها عن الشي القرتو ما حتقدر تجاوب..

????

خلاص موعد السفر جا..ابوي كان بتكلم مع امي وهي شغاله ليهو :لالالا عليك الله م تقول كده ي علي حرام عليك

علي : اتخذته قراري وخلاص..يلا انتي ابدي جهزي لانو طيارتنا الصباح

وطلع خلي امي بتبكي..جاتها سوسن تشوفها مالا وحكت ليها بالحاصل ..وم معروف الحاصل شنوو

انا قاعد زي ب***ة الانعام..زي الاطرش ف الزفة بالضبط كده ..ما ناقش ولا حنان قلبي زاتو ..لغاية الصباح صحيت علي صوت سحورتي ..عاينت ليها ولقيتها لابسه وجاهزه ..قلت ليها : في شنو ؟؟؟ م تقولي لي تاني حنمش بيت ناس صحبتك ! ياخ ولدها فيصل دا انا شميتو ي امي...دا بياكل وبشرب وبلعب وبنوم وبحضر التلفزيون وبضايقني وبقلع تلفوني في وقت واحد وما تسأليني كيف ي سحورتي ..

قامت ضحكت ..قلت ليها : اي ياخ..م تحرميني من ضحكتك دي ي مزه..و انتي عارفه يوم تضحكي لي الصباح باقي يومي بكون رايق..

سحر : نحن حنسافر الشارقه

طبعآ قومتة قعدته علي حيلي ودعكته عيوني كويييس..منظري كان كيوت وشعري اتنكش وبقيت زي الطفل الصغير وانا بحاول استوعب كيف اقدر اجهز ف الزمن الضيق دا !

بس امي ريحتني وقالت : لكن انت حتقعد هنا ..حتقعد مع ناس خالتك لغاية رمضان يخلص

طبعآ هجته وجوطتة...صح القرار دا كان حيكون سمح معاي لو لسع انا خاتي حاجه لنور..بس الآن لا تعني لي شيئآ..وانا والله اشتقته لاصحابي..ورمضان في الشارقه غيييييير طبعآ ..

امي قالت : ابوك القال كده..وصدقني ي محمد بس رمضان ينتهي وحيرسل ليك تجي

م اتكلمت معاها واتغطيت..امي نضمممت معاي كداأا بس ع قول (فله) : البت تكنس والشجر يحت

لغاية طلعت وهي قاعده تبكي..انا زاتي دمعته بس م كتير..

بعد شويه ابوي جا داخل..محمد .. محمد !!

قومته بتثاقل وقلت ليهو : ايون

طبعآ اتوقعني اكون قاعد ابكي وكده

بس خيبته ليهو ظنو..قال لي : نحن حنسافر ..وانت حتق.....

قاطعتو.وقلت ليهو عاااارف..تصلو بالسلامه

ابتسم ابتسامة صفراء باهت لونها وقال لي : ع فكرة...نتايجكم 15 رمضان...

م رديت عليهو وهو طلع بي باقي ابتسامتو..ابوي دا اصعب مخلوق ع وجه الأرض اخلاقو اضيق من خرم الأبرة ..وانا عارف هو خلاني هنا ليشنو..لانو نحن هناك ف رمضان ما قاعدين نجي البيت الا مع الآذان الاول

وياما...ياااما امي فشفاشها اتقدا بي سببي ..غايتو كنت مشاغب

لكن ابوي قايل عمايلي د*ك م حأعملا هنا ف السودان...بس م معروف هو غلطان وله لا..

????

جا شهر رمضان الكريم..اعاده الله علينا

يوم بكرة رمضان اتسحرررنااا..والسحور دا ي جماعه اهم حاجه ف رمضان

اهم من الفطور زاتو...يعني لو انت صايم وم متسحر ..**ودي نادر ما بتحصل ** بعتبروك مجاهد عدييييل ..والله اعلم

تاني يوم بنقضيهو نوم سسسساي تحت التكييف ..انا قلعته من منذر سريرو المقابل المكيف..طبعآ شماني وحدد ريحتي لكن انا اعجبكم..ولا شغال بيهو الشغله

واحلي شي انو انا بصلي وبصوم و بقرا وردي اليومي من القرآن وبنوم ودا كلو في وقت واحد وما تسألوني كيف..

يلا في اللحظة الآنا ضارب فيها التكيييف كان في حد بيتكوي في درجة حرارة المطبخ

ايون ...نورو.

نور ..يا بت ي نووور !

ايوا ي خالتي مني ..

انا بنبح من جبيل م سامعه ولا عامله آضان جلد ¡

قالت ليها م سمعتك والله آسفه

اها نزلتي العصيده ولة لسع !!!

اي قربته ي خالتي..بس فاضل اقطعها ف القوالب ..

حمرت كدااا وطلعت...

طبعآ ام منصور( اكونكو ) لا تقل قسوة من ولدها..فوله وانقسمت نصين طبعآ وشكلآ..الفرق بس انو دي مرة وهو راجل اخلاقها اضيق من تنورة الفنانة (ريانا) ..والمظلومة الكبري المسكينه دي .ولسع نحن م انفردنا بي نور عشان تورينا قصتها شنو

الزمن خلاص كابس..الساعه 6:34م والآذان بآذن 7

نور جهزت الصينيه ..وبس شغاله تضرب في رقم...وهي مقلقه

لغاية سمعت نغمة التلفون جايه ع المطبخ..عاينت لقتو ابوها ❤ الص*ر الحنين بالنسبه ليها ..

نور : مالك اتآخرتة كده ي أبوي ! خوفتني عليك !

مده ليها كيس وقال : انسسسي بس..والله الليله الشغل واقف..بس ربنا م بنسي زول ..يلا في بلح غسليهو وختي في السكريه

قالت ليهو حاضر ..طبعآ الليله ظبته ليك مديدة دخن .انسي بس

قال ليها تسلميلي انتي ي الغاليه..انا حأمشي استحمي سريع سريع واجي عشان احصل الفطور

وانتو احبابي المسافه دي ممكن #تصلو__علي_النبي¿

الحياة غرييييبه...احيانآ انت بتكون عاوز حاجه وميت فيها بس نهائي م بتقدر تتحصل عليها

يلا تاني انت ونوعك..يا اما انت تطلع زول قنوع ...وقنوع دي من القناعه.. يعني تقتنع انو ربنا م قاسمها ليك..

ي اما انت تطلع زول مثابر وصبور ..وبي صبرك شوية شوية حتلقي الحاجه دي بين إيديك..

او انت تطلع زول ذو جبروت...وتستخدم اساليب الأجبار .وتشيل الحاجه دي لو ما بالأجبار بالقلع وغصبآ عن عين اي زول .وعينك ي تاجر

ضربت ليكم الامثال دي لانها حتلاقيكم..اصبرو بس شوية

????

يوم 9 رمضان...زي حوالي الساعه 8:34م ..الناس كانو ف صلاة التروايح

انا الصراحه كده قاااعد امش..والله قعد امش صدقوني ...بس اليوم دا م مشيت لأني كنت مصدع ...

كنت نايم ف الصالون...سمعته دق ف الباب..عملته رايييييح تمامآ

البيت كان ما فيهو زول غيري انا ..الباقين كلهم مشو الصلاة

وقت الدق علي كتر ..قومتة بتثاقل و وقت قربت من الباب سمعته صوت بكا !

اتخلعته..قلت : منو ف الباب ...م جاني رد وبس سامع الصوت

فتحتو وبس فجآة في حد حضني

انقرو منو ؟؟؟؟

)فاطمه) هوي..انتبهي..انقرو منو !!؟

اظن عرفتوها...ايون ..كانت نورو

كانت ماسكه قميصي وبتبكي بحرقه لغاية انا زاتي اتبليت بالدموع

بعد لحظات حسيت انها دهر ...قلت ليها بصوت مرتجف :ف ف فشنو ! مالك بتبكي ي نورو

سكتت ...وكأنها انتبهت انها ي داب بتبكي في حضني

زحت مني سريع سريع...وكانت مدنقرة راسها ...

رفعت ليها راسها بالراحه وي رييييييت لو م عملتها ...

وششششها م واضح نهائي...كان كلو دم !

حتي قميصي كان كلو دم !!

يعني انا كمييية الغضب والآلم الحسيت بيهم ما بتوصفو نهائي..دا منو الاتجرآ ومده يدو علي حبيبتي !!! ااي حبيبتي ! .ومن يوم الليله حبيبتي ! وحبيبتي البرشها بي موييه ساي انا برشو بي دمو !

قلت ليها بغضب دا منو العمل فيك كده !!!!

سكتت وبس كانت بتبكي بدون صوت..بكا مكبووت وحات ربي يقطع قلب البني آدم...م حسيت بروحي الا وانا حاضنها علي ...ودموعي بللو طرحتها

قلت ليها ما عاش اليمد يدو عليك وانا عايش..م عاش اليآزيك ي نور

وزحيتها وقلت ليها خشي جوة انا اسي بجيك

واتوجهت علي الباب بس مسكتني...وبدت تبكي وقالت لي : محمد

طبعآ دي اوووول مرة تناديني بأسمي..واول مرة اسمع اسمي من خشمها

ياخي اتنين بس مفترض نطق الأسم دا يخلو ليهم...سحورتي امي..ونور عيوني

قالت لي حلفتك ما تطلع !! ما تمشي انا م عايزه مشاكل !

قلت ليها وانا بضغط ع اسناني : منو العمل فيك !

قالت لي دا اخوووي...وانا استاهل لأني غلطته..

طبعآ قلعته عيوني وقت سمعته عبارة دا اخوي ! معقوله اخو يعامل اختو بالوحشيه دي !!! معققققول !! قلت في نفسي : ولة عشان انا م عندي اخوات يمكن م بعرف بتعاملو معاهن كيف ؟؟؟

اها ي شباب !! هل انتو بتتعاملو مع اخواتكم كده لمن يغلطو ؟؟

وانتن ي بنات..هل اخوانكن بعاملوكن كده وقت تغلطن !!! ي رييييت تجاوبوني "!!؟

قلت ليها وانا لسع نار غضبي م انطفت : برضو ما عندو الحق انو يضربك بالوحشيه دي ..زحي لي يانور من وشي عليييك الله وخشي جوه !

قالت لي : انت لو مشيت وسألتو اي تصرف حيتصرفو معاك مافي زول حيلومو.لأنو ف النهايه دي مشكله عائليه.

و واصلت : انت بس نادي لي رباب

قلت ليها رباب مشت الصلاة..

قالت طيب خالتو سوسن قاعده ؟؟؟

قلت ليها لاﻷ

طوالي شهقت وقالت لي منو ف البيت طيب !

قلت ليها ماف زوول غيري اناااا

طوالي مشت علي الباب وعايزه تطلع..انا فهمتها عشان كده قلت ليها اقعدي وانا حأطلع..امشي غسلي وشك وشيلي تلج من التلاجه..

م استنيت منها جواب وطوالي دخلته الصالون وغيرته قميصي و طلعته برة البيت..

????

اليوم داك نور باتت مع رباب..ابوها جا وحكينا ليهو بالحصل ..غايتو قال بتصرف وقال ليها تبيت مع رباب

اصبح الصباح كان الخميس...لو شوفوتها حالتها تحنن و وشها كلو مورم...الغ*ي دا الله لا **بو...رباب مشت معاها بيتهم ..

..كنت قاعد برة الشارع وشوفتهن جو طالعات من البيت

نورو كانت لابسه عباية سوداء وطرحه سوداء ومتبلمه بيها..وشايله شنطة ضهر !

عرفته انها م ماشه المدرسة....

لانو رباب كانت لابسة الزي الرسمي قامو اتقدمو شوية فجآة وقفو...ورباب كانت بتتكلم وبتعاين لي ود*ك بتهز راسها بمعني لالالا..وقفو مسسسسافه بتشاورو ود*ك بترفض..وانا شايفهم بي قعر عيني بس عملته راييييح...بعد شوية نورو وافقت..وم عارف وافقت ع شنو ..كل العارفو انو رباب جاتني جارية وخلتها واقفه

قالت لي وهي بتلهث من أثر الجري: فاضي ؟؟

قلت ليها ايون..مالك

قالت لي ممكن تقدم نور توتي ؟؟ لأنو انا اتأخرتة ع المدرسه انا طلبت مننك لأنو انت مقدقد الخرطوم بي سكاكاتك ديل ...

طبعآ بغض النظر عن آهانة ربابتي لي الا اني حبييييتها حب مابعده حب..اقدمها توتي واقدمها تويتي واقدمها سلفستر زاتو ..

قلت ليها وانا بحاول ابين اني لا أكترث نهائيآ : جدآ..م عندي مشكله

وانتو لو م عندكم مشكله ممكن…

‏لا جدوى من محاولة كُره شخص تُحبه لأنك ببساطة سَتفشل. أشتاقك ليلاً، وأحن لك فجراً، وأنتظرك صباحاً. المتُعبَ فِي الأمَر، أنهُ ورغِمَ كُل شِيَء ما زلتَ أنتِ فِي عيِنيَ كلُ شِيَء. حين يسألونك عن الحب قل لهم موت لذيذ فلا يوجد عاشق إلا وقد بكى. أن تُراقب مَن تُحب مِن بعيد وأن تتابع تفاصيل حياته دون علمه، تلك هي أصدق مَشاعر الحب لكنها موجعه بقدر صدقها. أخبرني أين يسكن الغياب وأين يباع اللقاء وأين أجد ملامحي الهاربة من الحنين إليكَ. وهل أخبرتك من قبل، أن صوتك والبرد متشابهان فكلاهما يسبب لي الارتجاف. ما أروع الصُّدف، لا تسبقُها أوجاعُ الانتظار. ولكل منا حكاية أبداً لا تتكرر، ويستحيل نسيانها لا يتوقف الزمن عندها، ولكن تتوقف أنت عندها مهما حاولت الرحيل. لا أعاتب سوى من يهمني، فإن انتهى عتابي فاعلم أن أهميتك انتهت عندي. ًاشتقتُ لعينيك التي تُربك قلبي. خفق بكِ قلبي منذ الأزل لكِ وحدك دون الناس ومر العمر ولم يزل يعشقكِ بكل الحواس فلولاك لاعتزلت الحياه. قالوا إن كل شيء إذا تقادم به الزمن هرم إلا حبك يكبر ويكبر ويصبح أجمل وأنقى. سأرسل قلبي لكِ هدية مغلفاً بالورد وبأمنيات السعادة لكِ لعلك تقبلين. ماذا بينكم، مسافة وحب ودعاء. أكره نفسي عندما تغيبي عني ويصبح مرور الوقت طويلاً بالنسبة لي، ولا يجول برأسي سوى التفكير بكِ ولا أفعل شيء سوى القلق عليكِ، كم أشتاق لحديثي الطويل معكِ بالساعات وكم أشتاق لضحكتك التي ترسم على ثغري الابتسامات، أريدكِ دوماً بجانبي، ولكن دائماً يكون لكِ عذراً للغياب، أتفهم أسبابك ومبرراتك ولكن بسببك كرهت مبدأ الذهاب، أنتِ لا تعلمي بأن لحظة مجيئك أنسى كل شيء مررت به في غيابكِ فلا تعتذري؛ لأن دوماً سيكون لكِ بقلبي ألف عذراً لذهابك. شوقي لك ليس مشكلة، لكن تفكيري إن كنت ستعود أم لا يقتلني.

يا حبيبي أيعقل أن تفرقنا المسافات وتجمعنا الآهات يا من ملكت قلبي ومُهجتي يا من عشقتك وملكت دنيتي. سأظل أحبّك ولو طال انتظاري فإن لم تكن قدري فأنت اختياري. لا أشتاق إليك لكن أشتاق للشخص الذي ظنّنتك هو. اذا لم تجمعنا الأيام جمعتنا الذكريات. صورتك محفورة بين جفوني وهي نور عيوني، عيناك تنادي لعيناي، يداك تحتضن يداي همساتك تُطرب أُذناي. لدي إنسان أوصانيَ بنفسي كثيراً، ولم يعلمَ أني أفتقِدُ نفسي بكل غياب. شوقي لك قد يتحول من ألم إلى فرح لو علمت أنّك تشتاق لي في ذلك الوقت. ذرفت دمعة في أحد المحيطات إن استطاعوا الحصول عليها أعدك بنسيانك. حبيبي الشوق إليك يقتلني دائماً أنت في أفكاري في ليلي ونهاري. حين افترقنا تمنّيت سوقاً يبيع السنين، يُعيد القلوب ويُحيي الحنين. جاء الليل وجاءت معه رائحة الحنين، تهبّ من بعيد. افتقاد شخص في بعض الأحيان يجعل العالم يبدو خالياً.

ليتنى كل شئ تحبه أنت. قد ت**ب فى يوم ما شخصاً يعادل ما خسرته فى حياتك كلها. أما بعد فلن أحب أحداً بعدك، أما قبل فأنا أساساً لم أعرف الحب إلا بك. جميل أن تكون شيء ثمين لدى شخص يخاف فقدانك يوماً. الرجل لا يستطيع أن يكون قاسياً مع الأنثى التى يحبها. الشخص المهم فى حياتك ليس الشخص الذي تشعر بوجوده ولكنه الشخص الذي تشعر بغيابه. لو رأيت كيف أحكي للغرباء عنك لحاولت أن تقف فى طوابير الغرباء لتحب نفسك من حديثي. قيدتنى بك حتى وإن لم تكن موجوداً أستشعر طيفك معي مهما كنت بعيداً. الحب أن أكتفى بك ولا أكتفي منك أبداً. أحبتتك جداً لدرجة أنه عندما تغيب عني يغيب معك كل شئ. لو كان الحب كلمات تكتب لأنتهت أقلامي لكن الحب أرواح توهب فهل تكفيك روحي. كل ما أريده هو أن تبقى فى حياتي للأبد. أحببتك حباً لو تحول إلى ماء لأغرق العالم بأسره. وفي سماع صوتك حنين إليك لا تعلمه. معك أستطيع أن أكون على طبيعتي بلا تصنع أو مجاملة تحبني كما أنا وأهواك كما أنت. أحب صوتك حين تحاول تقليد لهجتي وتتحدث وكأنك أنا. يحكى فى الحب أن العناق حياة. أحتفظ بك لأنك أثمن أشيائي. كيف لا أحبك أكثر من نفسي وكل نبضة من نبضات قلبى تخفق بأسمك. أحبك عدد أنفاسي وأنفاسك وأنفاسهم جميعاً. على سبيل العنف أود أن أختطفك إلى أحضاني. ليت لي قلباً أكبر لأحبك كما يليق بك. روعة الحياة تكون بقرب شخص أحببته سنين فأصبح من نصيبك. قلبي لا يريد غيرك حبيباً له. أدمنتك ولا أجد علاجاً سوى قربك.

أدمنتك ولا أجد علاجاً سوى قربك. أجمل ما قيل في الحب والشوق أنا لا أنظر لأحد مثلما أنظر إليك فأنت أمتلكت عيني قبل أن تمتلك قلبي. الحب هو أن ترى مئات الأشخاص ولا تشعر إلا بحبيبك. أعترف لك أن كل شيء أجيد الاكتفاء منه إلا تفكيري بك. وحين يسألوني عنك سأقول سعادة دخلت حياتي ولا أريد أن تزول. ما أجمل أن يكون لد*ك شخص لا يعرف للنوم معنى قبل أن يطمئن عليك. هو الوحيد الذي إذا بدأت الحديث معه لا أكتفى ولا أنتهي. الحياة روعة في وجود من نحب فهل يعلم من نحب أنهم روعة الحياة. يشعرني بالسعادة حين يخبرني بكل ما يحدث له. أحب الأشخاص الذين لا تغيرهم الحياة يبقون كما عرفناهم أول مرة. أعشق الشخص الذي يشعرني أني شيء يخصه وحده. ما أجمل أن يكون لد*ك إنسان يسأل عنك إن غبت ويقترب منك إذا ابتعدت. وحين يكون حبك خطأ، لا أود أن أكون على صواب. ستبقى حياً للأبد، طالما هناك من يتذكرك. وفي القلب صلاةٌ لا تنتهي لأجلكِ. جربت أن أكرهك، كرهت التجربة ومن جديد أحببتك.