Mabilis kong pinalis ang aking luha sa aking pisngi at ngiti-ngiting bumaling kay Aling Lora.
"Uh, Aling Lora, hindi naman po halata na umiyak ako, 'di ba?" tanaong ko sa kanya.
Tinitigan niya ako sandali saka umiling. "Halata, hija. Namumula ang mga mata mo at..." Huminto siya at napansin kong lumipat ang tingin niya sa may likuran ko. "Mukhang nakita tayo ni Sir Nero."
Bahagyang nanlaki ang mga mata ko. "Po? Alis na po tayo kung ganun—"
"Huli na, hija. Papunta na sila dito."
"Ha?! Eh 'di tumakbo na lang po tayo—"
"Malapit na sila, hija. "
Ahh! Ano ba 'yan! Ayoko sanang magpakita sa kanila!
Hinawakan ko ang kamay ni Aling Lora, handa na sanang tumakbo nang umalingawngaw ang boses ni Vivian.
"Rumi! Dito!"
Napapikit ako ng mariin. Dapat kanina pa kami umalis o mas mabuti na hindi
