Grae
Sa mga sumunod na linggo, naging abala nang muli sa trabaho si Alfie. Sa bahay pa rin naman siya nagta-trabaho habang ako, nandito lang sa bahay maghapon.
Ipinilit ko sa kanyang ako na lang ang gagawa sa mga gawaing bahay dahil wala naman akong ginagawa rito maghapon. Wala pa akong natatanggap na tawag sa mga in-apply-an ko. Kesa naman sa maburyo maghapon, naghahanap ako ng pwedeng pagkaabalahan.
Kinatok ko siya sa library isang hapon. Pagbukas ko ng pinto, nakita kong nakatutok siya sa kanyang laptop. Nag-angat siya ng tingin ng makita akong naroon, nakasilip pero hindi pa nakakapasok.
“May I come in?” I asked.
Sumandal siya sa kanyang swivel chair at saka ngumiti ng pagkatamis-tamis.
Maluwang kong binuksan ang pinto at marahang isinara iyon. Paglingon ko sa kanya, nakatukod an
