Chapter 58
Eunice
Lalo pang lumakas ang ulan na may kasamang kidlat. Mukhang may bagyo yata. Alauna na ng hapon pero wala pa rin balak huminto ang langit sa pagbuhos ng malakas na ulan. Nababasa na ako ng tubig dito sa aking silid dahil umapaw na ang tubig sa batya at balde. Napilitan na lang akong bumangon. Kung kailan na hindi pa naayos ang bubong saka naman umulan ng ganito. Lumabas ako sa aking silid basang basa na sa sala. Nakita ko naman si Alexander na nilalagyan niya ng tabing ang mga bintana upang hindi pumasok ang tubig sa may bintana.
"Kumain ka na ba?" tanong ko sa kaniya subalit hindi niya ako pinapansin. Para akong nagtanong sa hangin o sadyang hindi niya lang talaga ako narinig dahil sa lakas ng patak ng ulan sa bubong namin.
Tiningnan ko ang kanin subalit wala naman baw
