Chapter 81
EUNICE
"Hoy, bilisan mo na ng paggapas diyan. Ang ganda ng ani ng mga tinanim ninyo ng Tantan mong kaibigan. Huwag kang pabagal-bagak diyan, kung gusto mong makuha si Olivia! Bilisan mo pa gumapas ng palay!" sigaw ni Tita Meann sa asawa ko na nakayuko habang gumagapas ng palay.
Pagkatapos ng pag-uusap sa bahay kahapon ay naiwan si Alexander at si Lola Dina dito sa Cordoba. Sina daddy at mommy naman ay bumalik na sa Las Palmas. Marami din kasi silang inaasikaso. Isa pa baka pagapasin din sila ni Tita ng palay kapag hindi sila umalis kaagad.
Kasalukuyang nasa bukid kami ngayon dahil anihan na ng palay. Si Mama at si Lola ay naiwan sa bahay . Nakasimangot ako habang nakatingin sa ama ng aking anak habang gumagapas ito ng palay.
"Tita, naman! Ginawa mo naman magsasaka si Alexa
