ELISHA'S POV
"Alam mo bang simula nong mamatay si Sadie, ngayon pa lang ako nakapunta rito? Malungkot na kuwento sa'kin ni Flynn nang makarating kami sa puntod ni Sadie.
Isa ito sa matagal ko ng gustong ipagawa sa kaniya, simula noong malaman ko ang tungkol kay Sadie. Pero hinintay kong si Flynn ang kusang haharap sa takot niya. Hindi dahil sa'kin kundi dahil handa na siya. At masaya ako na nagawa nga ni Flynn.
Inilapag niya sa ibabaw ng nitso ang dala naming bulaklak at nagsindi siya ng kandila. "Kahit sa burol niya noon, hindi ako nakapunta. Ni hindi ko siya nasilip man lang sa huling sandali. Kasi laging nakabantay sa'kin ang mga tao, lalong-lalo na ang mommy ni Sadie. Sa mga pictures ko lang siya huling nakita, na ipinakita sa'ken ng mga pulis noong araw na
