Nagising ako dahil may yumuyugyog sa akin sa pagkakahiga.
"Sister, wake up na. Malelate na ako if di ka pa gigising."
"Ate?"
"Yup. sisterat. Hinanda ko na ang pagkain sa kusina. Ako ang nagluto! Sana magustuhan mo ha? Pinaghirapan ko 'yon,"
Kinusot-kusot ko pa ang mga mata ko. "Ano pong meron?" naguguluhan kong tanong sabay tanggal ng muta at panis na laway pero patago. Sana hindi napansin ni Ate 'yon.
"Ano ka ba, wala lang ito. Gusto ko lang bumawi sa 'yo. Medyo nawawalan na kasi tayo ng time sa isa't isa 'di ba? Sana naiintindihan mo ako, ha? Lalo na nitong mga nakaraang araw na napagtataasan kita ng boses at ng maganda kong kilay. Medyo busy kasi ako sa school works."
"Okay lang po 'yon, Ate, naiintindihan ko naman. Hindi naman ho ako nagtanim ng sama ng loob sa 'yo."
"Hmm. That'
