Chapter 24: Kristen
Dinala ako ng aking mga paa sa labas ng campus. Iwan ko ba, pakiramdam ko ay pinagtataksilan ako ni Tyler at Angel. Ayokong magselos dahil alam kong wala namang kami ng dalaga ngunit hindi lang talaga maiwasan lalo pa't malapit na rin kami sa isa't-isa.
Pumasok ako sa isang restaurant na malapit sa campus. May mga estudyanteng kumakain ngunit hindi naman karamihan. Pagkaupo ko ay eksakto namang may waiter na lumapit sa akin. Kasing edad ko lang siya. Sa tingin isa itong working or part time student.
"Ito nalang sa akin, rice noodles at hot chicken wings."
"Sige po sir." Ngumiti siya sa akin at kaagad na tumalikod.
Habang hinihintay ko ang aking order ay nagpalingon-lingon ako sa paligid. Normal lang ang lahat tila hindi alam ng mga estudyanteng ito ang naganap ki
