NASA kasarapan ng tulog si Johanna nang marinig niya ang door chime. Napapitlag siya at nagising. Tumingin siya sa digital clock na nasa ibabaw ng bedside table. Alas-singko pa lang ng umaga. Kaagad nagsalubong ang kanyang mga kilay nang marinig ang sunod-sunod na pagtunog ng chime. Sino ang maaari niyang maging bisita nang ganoon kaaga?
“All right. All right,” ang nayayamot niyang usal nang muli niyang marinig ang sunod-sunod na chime. Nagawa niyang bumangon. Nagpakawala siya ng buntong-hininga nang sumayad ang kanyang mga paa sa carpeted na sahig. “This better be good,” bulong niya habang palabas ng silid.
Sinabayan na ng katok sa pinto ang chime. Hindi na sumilip sa peephole si Johanna, binuksan na niya ang pinto. Si Garrett ang nasa labas ng kanyang pintuan. Ang ganda ng ngiti nito s
