NANLAKI ang mga mata ni Johanna pagpasok niya sa loob ng unit ni Garrett. Madalas na sa unit niya namamalagi ang binata dahil sinasabi nitong walang gaanong pagkain at stocks sa unit nito. Ngayon lang niya naisipang silipin ang unit ng binata dahil malinaw sa isipan niya ang hitsura ng unit ng isang tipikal na lalaki. Makalat. Sa katunayan, inihanda na niya ang sarili sa paglilinis at pagliligpit. Naisip niya na makakatulong ang paglilinis at pagliligpit upang maituon sa ibang bagay ang kanyang atensiyon at enerhiya.
Ngunit kabaliktaran ng iniisip ni Johanna ang bumungad sa kanya pagpasok na pagpasok nila sa unit ni Garrett.
“Bakit mo pinagtitiyagaan ang unit ko?” tanong ni Johanna kay Garrett habang iginagala ang mga mata sa paligid. Kipkip niya sa dibdib ang ilang supot ng sitsirya. Ay
