انا هقولكو على كل حاجه ....قالتها لمار وهى تنظر اليهم بينما نظر الجميع اليها باهتمام شديد لما ستقول ف*نهدت تنهيده طويله وبدات فى سرد ما حدث فى امريكا : الموضوع بدأ من قبل ما انزل مصر انا وبابا وماما بثلاث شهور كنت مره الشيفت بتاعى فى المستشفى بليل وبما انى برتاح مع اليزا فى الشغل فكنت بخلى الشيفتات بتاعتها معايا وفى يوم لاقيت اليزا جايه تجرى عليا وتقولى
فلاش باااااااك
اليزا : الحقى يادكتوره الحقى فى عمليات دلوقتى ومحدش فاهم حاجه ودكاتره احنا منعرفهاش موجوده
لمار : ازاى يعنى وازاى دكتور مش فى المستشفى يدخل لا وعمليات كمان ومعنديش خبر
اليزا : مش عارفه يا دكتوره بس فى حركه غريبه والدور بتاع غرفه العمليات فاضى وتقريبا المستشفى كلها فاضيه
لمار : مهو المستشفى كلها فاضيه انتى ناسيه اننا احنا الى اتاخرنا على ميعاد الانصراف .........بس اقولك تعالى نشوف فى اى
تحركت لمار واليزا الى الطابق
