Ilang beses akong napabuntong hininga bago napagdesisyunang pumasok sa loob. Naririto ako sa tapat ng isang mataas na gusali. Mula rito sa kinatatayuan ko ay mababa ang pangalan ng kumpanya "Gornez Corporation". Nakakalula ang taas nito at maraming empleyado ang labas masok sa loob.
Hindi ko mapigilan na hindi tignan ang suot kong faded skinny jeans at isang simpleng itim na t-shirt na tinernohan ng kulay puting rubber shoes. Ang mahaba at tuwid kong kulay itim na buhok ay nakalugay lamang. May ilang nagtitinginan sa gawi ko marahil ay nagtataka kung bakit ang tagal ko ng nakatayo.
Ang mga matang nakamasid ay lalong dumami ng makapasok ako sa loob at makaharap sa reception desk, “Ah miss excuse po.”
Tinaasan ako nito ng kilay at tinignan mula ulo hanggang paa, “Ano yon?”
May bahid ng p
